Таъсиси Шӯрои собиқадорони ҲХДТ

2-юми феврал ҷаласаи КИ шаҳрии ҲХДТ доир гардид. Дар оғоз раиси Кумитаи иҷроияи шаҳрии ҲХДТ Каромат Қосимова оид ба ҳадафи ташкили Шӯрои собиқадорон ҳарф зад.

Интихоби раис ва муовин, тасдиқи нақшаи фаъолият ва омӯзиши муҳтавои Паёми Пешвои миллат ба Маҷлиси Олӣ аз рӯзномаҳои ҷаласа буданд, ки мавриди ҳаллу фасл қарор гирифт. Марбут ба масъалаи аввал бо овоздиҳии кушод Норӣ Қаҳҳорова раиси Шӯро ва Рустамҷон Одизода муовини раиси Шӯро интихоб гардиданд.

Ҷалби ҷавонон ба солимӣ

Марбут ба Рӯзи варзиш ва солимгардонии аҳолӣ ва таътили зимистонаи мактабиён МД “Мактаби варзишии бачагон ва наврасони шаҳри Қайроққум” бо ҳидояти Раиси шаҳр Матлубахон Амонзода як қатор чорабиниҳои варзишӣ доир намуд.

Дар кӯчаи ба номи Мирзо Турсунзода байни наврасону ҷавонон мусобиқа оид ба футболи хурд гузаронида шуд.

Чунин мусобиқа бо иштироки 4 даста дар варзишгоҳи марказӣ низ баргузор гардид.

Саломатӣ сармояи бузург аст

Ҳифзи тандурустии аҳолӣ яке аз самтҳои муҳими сиёсати иҷтимоии давлати Тоҷикистон аст.
Эмомалӣ Раҳмон

Кумитаи иттифоқи касабаи маорифи шаҳри Қайроққум пайваста ба ташкили табобату фароғат ва истироҳати аъзои иттифоқи касабаи маорифи шаҳр  ғамхорӣ зоҳир менамояд. Тибқи нақшаи Кумитаи иттифоқи касабаи маорифи шаҳр бахшида ба ифтихори 25-умин солгарди Истиқлолияти Ҷумҳурии Тоҷикистон ва эълон гардидани соли 2016 ҳамчун «Соли фарди солим» ва ба хотири дар сатҳи баланди маънавӣ, маърифатӣ ва ташкилию тарбиявӣ гузаронидани истироҳату табобати аъзои иттифоқи касаба ва зермаҳфили «Дармон»-и «Корвони маърифат» дар осоишгоҳи «Шифо» баргузор гардид. Дар он омӯзгорони маркази шаҳр ва шаш Ҷамоати шаҳракҳо ширкат варзиданд. Ҳамчунин, дар маҳфил намояндаи МИҲД-и шаҳри Қайроққум Эраҷ Шодиматов, сардухтури осоишгоҳи «Шифо», номзади илмҳои тиб Шарифҷон Абдуллоев иштирок доштанд.

Вохӯрӣ дар «Осоишгоҳи Баҳористон»

Дар ташкилоти ибтидоии «Осоишгоҳи Баҳористон» вохӯрии раиси Кумитаи иҷроияи шаҳрии ҲХДТ Каромат Қосимова бо кормандони осоишгоҳ ва фаъолони ҳизб оид ба муҳтавои Паёми Президенти Ҷумҳурии Тоҷикистон, Асосгузори сулҳу ваҳдати миллӣ - Пешвои миллат, Ҷаноби Олӣ, муҳтарам Эмомалӣ Раҳмон доир гардид.

Каромат Қосимова доир ба дастовардҳо аз Паём то Паём, нақшаҳои дурнамо барои соли равон, ки дар ин дастури тақдирсози қутбнамои фаъолият инъикос ёфтааст суханронӣ кард.