Маҷлиси Ҳукумати Ҷумҳурии Тоҷикистон

Дирӯз дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Дар кори маҷлис нахуст масъалаи кадрҳо баррасӣ карда шуд. Ҳамин тариқ бо қарорҳои Ҳукумати Ҷумҳурии Тоҷикистон бо сабаби ба кори дигар гузаштанаш Назризода Саидраҳмон Рустам аз вазифаи муовини якуми Вазири рушди иқтисод ва савдои Ҷумҳурии Тоҷикистон озод карда шуда, Завқизода Завқӣ Амин — муовини якуми Вазири рушди иқтисод ва савдои Ҷумҳурии Тоҷикистон таъин гардид.

Ҷаласаи фаъолони шаҳр

Дар толори хурди мақомоти иҷроияи ҳокимияти давлатии шаҳр таҳти раёсати Раиси шаҳри Гулистон Матлубахон Амонзода ҷаласаи васеъ бахшида ба ҷамъбасти нуҳмоҳаи фаъолияти соҳаҳои мухталифи шаҳр баргузор гардид. Дар ҷаласа мудирони шуъба ва бахшҳои мақомот, роҳбарони корхонаву муассисаву идораҳо ва раисони ҷамоати шаҳракҳо иштирок намуданд.

Роҷеъ ба фаъолияти соҳаи гуногуни шаҳр дар давоми моҳҳои январ-сентябри соли 2017 роҳбари дастгоҳи Раиси шаҳр Абдуаҳад Ҳакимзода маърўзаи муфассал намуд. Аз ҷумла тазаккур ёфт, ки дар давоми нуҳ моҳи соли 2017 ба қисми даромади буҷети давлатӣ 93,2 миллион сомонӣ маблағҳои андозу пардохтҳо ворид гашт, ки он баробар ба 119,5 фоизи нақшаи пешбинишуда мебошад. Нақшаи даромади буҷети шаҳрӣ 27,9 миллион сомонӣ ё 113,4 фоиз ба иҷро расида, зиёда аз нақша 3,3 миллион сомонӣ маблағ ворид шуд. Воридоти барзиёдии андозҳо ба қисми даромади буҷет имкон дод, ки маблағгузории соҳаҳои мухталифи иҷтимоии шаҳр саривақт таъмин карда шаванд. Дар натиҷа нақшаи қисми хароҷоти буҷети маҳаллӣ 99,7% иҷро гардид. Танҳо ба ду соҳаҳои асосӣ - маориф ва тандурустӣ 18,5 миллион сомонӣ ё 67,8% маблағи буҷет равона гардид. Пардохти музди маоши кормандони муассисаю ташкилотҳои буҷетӣ дар нуҳ моҳи соли ҷорӣ бо пуррагӣ таъмин карда шуд.

Конститутсия - кафили таъмини ҳуқуқу озодиҳо

Тибқи нақшаи мақомоти иҷроияи ҳокимияти давлатии вилоят ва шаҳр дар 43 корхонаву ташкилот, ҷамоати шаҳракҳо ва идораву муассисаҳо Рўзи ягонаи ахбор дар мавзўи “Конститутсия - кафили таъмини ҳуқуқу озодиҳои инсон” баргузор гардид.

Тарғиботчиён аз мақомоти иҷроияи ҳокимияти давлатии вилояти Суғд Карим Шариф – мудири шуъбаи умумӣ ва корҳои махсуси дастгоҳи Раиси вилоят, Мавлуда Шарифова – сардори намояндагии ҷамъияти “Дониш”-и ҷумҳурӣ дар вилоят ва Мирзотоҳир Набиев – мутахассиси шуъбаи рушди иҷтимоӣ ва робита бо ҷомеаи дастгоҳи Раиси вилоят оид ба таърих, арзиш ва мақоми Конститутсия суханронӣ намуданд. Дар ҷамоати шаҳракҳо маҳфили сиёсӣ бо иштироки тарғиботчиёни маҳаллӣ роҳандозӣ гардид.

Мубодилаи барқияҳои табрикии Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев

Дирӯз миёни Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев ба муносибати 25-умин солгарди барпо намудани робитаҳои дипломатии ду кишвар мубодилаи барқияҳои табрикӣ ба амал омад.

Ҳамин тавр, дар барқияи табрикии Президенти Ҷумҳурии Тоҷикистон муҳтарам Эмомалӣ Раҳмон ба унвони Президенти Ҷумҳурии Ӯзбекистон Шавкат Мирзиёев, аз ҷумла, омадааст: