Наврасон дар «Манижа»

Бо иқдоми Раиси шаҳри Қайроққум Матлубахон Амонзода ба муносибати истиқболи Соли Нав дар Маркази хушҳолии «Манижа» бо дастгирии вакили Маҷлиси вакилони халқи шаҳр, сарвари «Бунёди шафқати Т.Зокирова» Турсуной Зокирова 18 декабр барои 150 нафар кӯдакону наврасони эҳтиёҷманд дастархони идона ташкил карда шуд.

Чорабинӣ бо сухани ифтитоҳии мудири шуъбаи иҷтимоӣ ва робита бо ҷомеа Илҳом Мадализода оғоз ёфт.

Саховати Бобохон

Бо дастуру ҳидоятҳои Раиси шаҳри Қайроққум Матлубахон Амонзода дар арафаи иди Соли Нав корхонаи навтаъсиси ҶДММ «Шӯҳрат -2005» бо сарварии Бобохон Раҳмонов ба 60 нафар табақаҳои гуногуни ҷомеа ва 150 нафар кӯдакони шаҳрак дастархони идона оростанд. Аз саховати ин ҳимматбаландон таъби  хурду калон болида гардид.

Вохӯрӣ бо донишҷӯён

15 декабри соли 2015 дар Қасри Арбоб мулоқоти Раиси шаҳри Қайроққум Матлубахон Амонзода бо донишҷӯёни қайроққумӣ баргузор гардид.

Дар баромади хеш Раиси шаҳри Қайроққум Матлубахон Амонзода таъкид дошт, ки Мақомоти иҷроияи ҳокимияти давлатии шаҳри Қайроққум сиёсати имрӯзаи Ҳукумати ҷумҳуриро роҷеъ ба сиёсати давлатии ҷавонон сармашқи фаъолият қарор дода, дар ин радиф ба тарбияи кадрҳои соҳибтахассус, сатҳи маърифатнокӣ ва маънавиёти онҳо, мадад ба ҳифзи иҷтимоии онҳо ва дигар масоили марбут ба ҷавонон диққати аввалиндараҷа ва доимӣ дода, дар ин самт тадбирҳои зиёдеро роҳандозӣ намудааст.

Рӯзи ягонаи ахбор

17 декабр дар шаҳри Қайроққум Рӯзи ягонаи ахбор баргузор гардид. Тарғиботчиёни Мақомоти иҷроияи ҳокимияти давлатии шаҳр ба ташкилоту корхона, Ҷамоати шаҳракҳо ва муассисаҳои таълимӣ рафта доир ба Қонуни ҶТ «Дар бораи Асосгузори сулҳу ваҳдати миллӣ – Пешвои миллат» ва ба ин мақоми арзанда сазовор гардидани Эмомалӣ Раҳмон, Президенти Ҷумҳурии Тоҷикистон ва «Таъмини ҳуқуқ ва озодиҳои шаҳрвандон омили асосии рушди иҷтимоӣ» сухан карданд. Намояндагони касбу кори гуногун дар ҷараёни чорабинӣ ибрози назар карда, ин иқдоми муҳимро якдилона ҷонибдорӣ намуданд.

Рӯзи ягонаи ахбор дар бахши фарҳанг, Маркази саломатӣ, ҶСК «Қолинҳои Қайроққум», Ҷамоати шаҳракҳои Чоруқдаррон, Консой, ҶМ ТКММ «Апрелевка», осоишгоҳҳои «Баҳористон», «Шифо», МТМУ-и №1 ва гимназия муташаккилона гузашт.