Ифтитоҳи 8 коргоҳ дар соли 2015 дар шаҳри Қайроққум

Қайроққум, 07.01.2016. (АМИТ “Ховар”).-Дар соли 2015 дар шаҳри барқчиёни вилояти Суғд -Қайроққум 8 коргоҳи хурду миёнаи тавлидотӣ мавриди баҳрабардорӣ қарор гирифтанд, ки дар умум 110 нафар бо ҷои кори доимӣ таъмин гаштанд.

Тавре ки ба хабарнигори АМИТ “Ховар” масъули хадамоти матбуотии мақомоти шаҳри Қайроққум Рустамчон Одизода иттилоъ дод, ҳоло дар 29 коргоҳҳои саноатии фаъолияткунандаи шаҳр беш аз 3 ҳазору 675 нафар ба кори доимӣ фаро гирифта шуданд, ки музди маоши миёнаи онҳо аз 1000 сомонӣ зиёдро ташкил медиҳад.
Ба гуфти манбаъ, саноатчиёни шаҳр сарфи назар аз моликияташон соли 2015-ро дар қиёс ба соли 2014 бо натиҷаҳои мусбат ҷамъбаст намуда, дар умум тавлиди маҳсулоти соҳаро ба беш 1 миллиарду 146,7 миллион сомонӣ расониданд, ки суръати афзоиш ба 120,1% ва дар маҷмӯъ бо нархҳои муқоисавӣ истеҳсоли маҳсулот ба маблағи 192,1 миллион сомонӣ зиёд мебошад.

Пешвои миллат-кафили сулҳу субот дар ҷомеа

Дар толори МТМУ-и №14 бо намояндагони маҳаллаи №3 вохӯрии раиси КИ шаҳрии ҲХДТ Каромат Қосимова ва аъзои Раёсати кумитаи иҷроияи шаҳрии ҲХДТ, директори МТМУ-и №14 Муяссар Раҳимова дар мавзӯи “Пешвои миллат-кафили сулҳу субот дар ҷомеа” баргузор гардид.

Муяссар Раҳимова зимни баромад оид ба хизматҳои шоиста ва шоёни Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон доир ба талошҳои ӯ дар ба даст овардани сулҳу субот дар кишварамон, ҷони худро ба хатар гузошта доиркунии вохӯриҳо бо намояндагони мухолифин, заҳматҳо баҳри пойдории миллат ва давлати тоҷикон, аз арсаи нестӣ раҳо додани он бо истифода аз хираду нерӯи нотакрор ҳарф зад.

Ҳ И С О Б О Т И раиси шаҳри Қайроққум оид ба фаъолияти мақомоти иҷроияи маҳаллии ҳокимияти давлатии шаҳр дар соли 2015

Мақомоти иҷроияи ҳокимияти давлатии шаҳри Қайроққум дар давоми  соли 2015 фаъолияти худро дар асоси  Конститутсияи (Сарқонун) Ҷумҳурии Тоҷикистон, Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», Фармону Амрҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон ва дигар санадҳои меъёрию ҳуқуқӣ ба роҳ монда, баҳри муайян намудани роҳҳои инкишофи иқтисодию иҷтимоии шаҳр, истифодаи оқилонаи замину об ва дигар сарватҳои табиӣ, мусоидат ба шуғли аҳолӣ, таҳияи нақша ва барномаҳои рушди иҷтимоии маҳал, таҳкими тарғиботи ҳуқуқӣ ва мубориза бар зидди ҷинояткорӣ, таъмини амнияту осоиштагии шаҳрвандон, беҳбудии ҳифзи саломатии аҳолӣ, таъмини кӯмаки тиббию санитарӣ, баланд бардоштани шароити моддию маишӣ ва сатҳи зиндагии мардум ба роҳ монд.

Муфассал Шарҳ додан

zoofirma.ru

Қайроққум: Соли 2015 рушди соҳаи саноат таъмин

Ҳамаи корхонаҳои саноатии шаҳри Қайроққум сарфи назар аз моликияташон соли 2015-ро дар қиёс ба соли 2014 бо натиҷаҳои мусбӣ ҷамъбаст карданд. Тавлиди маҳсулоти соҳа дар маҷмӯъ, дар соли сипаришуда 1 миллиарду 146,7 миллион сомониро ташкил дод, ки суръати афзоиш нисбат ба соли 2015 ба 120,1 дар сад буда, бо нархҳои муқоисавӣ ба маблағи 192,1 миллион сомонӣ зиёд маҳсулоти саноатӣ ва молҳои ниёзи мардум рӯйи кор омад.

Фазлиддин Орифов, мудири бахши саноат ва энергетикаи Мақомоти иҷроияи ҳокимияти давлатии шаҳр фаъолияти кулли корхонаҳои саноатиро сарфи назар аз моликияташон дар соли 2015 мусбӣ ва умедбахш арзёбӣ карда, пешравии боз  ҳам назаррасро дар соли нави 2016 таъкид кард ва афзуд, ки расидан ба чунин натиҷа дар шароити басо шадиди бӯҳрони молиявӣ кори саҳл набуд.