20 Ноябр 2024
Имрӯз, 20.11.2024 дар толори хурди мақомоти иҷроияи ҳокимияти давлатии шаҳри Гулистон ҷаласаи кории назди Раиси шаҳр бо иштироки муовинони Раиси шаҳр, мудирони шуъбаву бахшҳо, роҳбарони муассисаҳо, раисони маҳаллаҳо ва фаъолони соҳаҳои гуногун доир гардид.
Дар ҷаласа Раиси шаҳри Гулистон Раъно Ҳошимзода ва Каримӣ Ҳамза Ҳакимзода, сарнозири шуъбаи муқовимат бо коррупсияи раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд иштирок ва суханронӣ намуданд.
Дар ҷаласа ду мавзуъ баррасӣ гардид: Муқовимат бо коррупсия кори дастаҷамъист ва мавриди амал қарор додани дастуру супоришҳои Пешвои муаззами миллат муҳтарам Эмомалӣ Раҳмон, ки дар вохӯрӣ бо фаъолони вилояти Суғд зикр намуданд.
Каримӣ Ҳамза Ҳакимзода, сарнозири шуъбаи муқовимат бо коррупсияи раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд зимни суханронӣ зикр намуд, ки вазифаи асосии пешгирии коррупсия аз таъмини ҳифзи ҳуқуқ, озодӣ ва манфиатҳои қонуни инсон ва шаҳрванд, инчунин ҷамъият ва давлат аз коррупсия амалӣ сохтани асосҳои меъёри ҳуқуқии пешгирӣ , ошкор ва барҳам додани ҳуқуқвайронкуниҳои коррупсионӣ муносибсозии шакл, усул ва воситаҳои муқобилият бо коррупсия васеъ намудани татбиқи чораҳои пешгирикунанда дар мубориза бо коррупсия ҳамкорӣ бо сохторҳои ҷомеаи шаҳрвандӣ, фаъол гардонидани ҳамкориҳои байналмилалии Ҷумҳурии Тоҷикистон дар соҳаи мубориза бо коррупсия иборат мебошад.
Ҳамчунин, қайд карда шуд, ки имрӯз дар ҳақиқат муаммои коррупсия дар яке аз масъалаҳои мубрами рӯз ба шумор меравад.
Дар фарҷом даъват ба амал оварда шуд, ки дар роҳи пешгирии ин падидаи номатлуб бояд кулли ҷомеаи шаҳрвандӣ, аз ҷумла зиёиёну фаъолон бояд саҳмгузор бошанд.
Сипас, Раиси шаҳри Гулистон Раъно Ҳошимзода ба масъулин ва фаъолон супоришҳои Сарвари давлатро, ки дар мулоқот бо фаъолони вилояти Суғд дар ҷараёни сафари навбатии худ баён намуданд расонида, ҷиҳати иҷрои онҳо супоришҳои мушаххас дод.
Ҳамчунин, бо мақсади то охири соли ҷорӣ бо муваффақият ҷамъбаст намудани фаъолияти ҳамаи соҳаҳои хоҷагии халқи шаҳрро зикр намуд.
