31 Январ 2025
Имрӯз, 29.01.2025 иҷрокунандаи вазифаи Раиси шаҳри Гулистон Илҳом Пӯлотзода бо фаъолияти беморхона ва маркази саломатии Ҷамоати шаҳраки Консой аз наздик шинос гардид.
Иттилоъ дода шуд, ки дар беморхона 50 кати хоб мавҷуд аст, аз ҷумла 10 кати бемориҳои даруна, 10 кати ҷарроҳӣ ва кӯдакона, 15 кати бемориҳои сироятӣ ва 5 кати шуъбаи таваллуд.
Дар муассисаҳои соҳаи тандурустии шаҳрак норасоии табиби занона дар шуъбаи таваллуд, табиби сироятшинос дар шуъбаи бемориҳои сироятӣ ва табиби оилавӣ дар маркази саломатӣ ба назар мерасад.
Илҳом Пӯлотзода, иҷрокунандаи вазифаи Раиси шаҳр доир ба бартараф намудани норасоии табибон, таъмири бинои маркази саломатӣ ва шуъбаи таваллуди беморхона ва баланд бардоштани хизматрасонии тибби ба аҳолӣ ба масъулин супориш дод.
