05 Феврал 2025
Имрӯз, 05.02.2025 иҷрокунандаи вазифаи Раиси шаҳри Гулистон Илҳом Пӯлотзода бо фаъолияти беморхона ва маркази саломатии Ҷамоати шаҳраки Чоруқдаррон аз наздик шинос гардид.
Иттилоъ дода шуд, ки дар беморхона 30 кати хоб мавҷуд аст ва иҷрои нақшаи катҳо дар соли сипаригардида 25%-ро ташкил дод.
Дар муассисаҳои соҳаи тандурустии шаҳрак норасоии табибон ба назар мерасад.
Илҳом Пӯлотзода, иҷрокунандаи вазифаи Раиси шаҳр доир ба бартараф намудани норасоии табибон бо воситаи ҷалби донишандӯзони гулистонӣ, ки дар муассисаҳои олии соҳаи тандурустӣ таҳсил мекунанд ва он нафароне, ки тибқи Квотаи президентӣ таҳсил намуда истодаанд, дастрас намудани нақлиёти нави ёрии таъҷилии тиббӣ ба беморхонаи шаҳрак, баланд бардоштани хизматрасонии тибби ба аҳолӣ ба масъулин супориш дод.
Сипас, ба як нафар шахси дорои имконияти маҳдуди ҷисмонӣ аробачаи маъюбӣ тақдим карда шуд.
