09 Август 2025
Имрӯз, 09.08.2025 дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва вазифагузориҳои Раиси вилояти Суғд Раҷаб Аҳмадзода дар шаҳр шанбегии умумишаҳрӣ баргузор гардид.
Дар шанбегӣ кормандони соҳаҳои маориф, тандурустӣ, фарҳанг, мактаби варзишӣ ва дигар соҳаҳои хоҷагии халқи шаҳр фаъолона иштирок намуданд.
Муовини Раиси шаҳри Гулистон Муслимахон Ҷамолиён бо ҷараёни корҳои покизакорӣ шинос гардида, таъкид намуд, ки ҳифзи табиат ва тозаву озода нигоҳ доштани он, вазифаи шаҳрвандии ҳар сокини шаҳр аст ва чун шаҳри Гулистон дар кишвар ҳамчун шаҳри сайёҳиву саноатӣ шинохта мешавад ба масъалаи тозагӣ бояд аҳамияти хоса дода шуда, ҳамаи гӯшаҳои шаҳр тозаву озода карда шаванд.
