22 Октябр 2025
Санаи 22 октябри соли 2025 дар толори Мақомоти иҷроияи ҳокимияти давлатии шаҳри Гулистон ҷаласаи Шӯрои ҳамоҳангсозии фаъолияти мақомоти ҳифзи ҳуқуқи шаҳр баргузор гардид. Дар ҷаласаи Шӯро прокурори шаҳр, Раиси Шӯро Вазирзода Вазир Зокир ва ҳамаи аъзоёни Шӯро роҳбарони мақомоти ҳифзи ҳуқуқи шаҳр иштирок намуданд.
Ба ҷаласаи Шӯро муовини якуми Раиси шаҳр, роҳбари дастгоҳи Раиси шаҳр, раиси кумитаи идораи замин, директор ва кормандони КДФ “Бақайдгирии молу мулки ғайриманқул” дар шаҳр, мудирони шуъбаю бахшҳо ва роҳбарони воҳидҳои сохтории мақомоти иҷроияи ҳокимияти давлатии шаҳр, раисони ҷамоати шаҳракҳо, сардорони шуъбачаҳои милитсияи ҷамоатҳо ва минтақаи осоишгоҳ, нозирони минтақавии милитсия ва дигар шахсони масъул даъват шуда буданд, иштирок намуданд.
Дар ҷаласа тибқи рӯзнома ҳолати иҷрои қонунгузории замин ва пешгирии қонунвайронкуниҳо дар самти замин мавриди баррасӣ ва муҳокима қарор дода шуд.
Доир ба масъалаи баррасишаванда ахбороти муфаттиши калони прокуратураи шаҳри Гулистон, ҳуқуқшиноси дараҷаи 2 Раҳматуллозода Шамсулло Раҳматулло шунида шуда, мавриди муҳокима қарор дода шуд.
Раиси Шӯро, прокурори шаҳр Вазирзода В.З. баҳри бартараф намудани камбудиҳои ҷой дошта, ба раиси кумитаи идораи замини шаҳр ва дигар масъулони соҳаи назорати истифодаи замин ҷиҳати пешгирии қонунвайронкуниҳои замин ва назорати самараноку оқилона истифода бурдани заминҳои шаҳр супоришҳои мушаххас дод.
Таъкид гардид, ки дар ҷамоатҳо, махсусан дар Ҷамоати шаҳраки Адрасмон ҷиҳати пешгирии аз тарафи шаҳрвандон худсарона ишғол намудани қитъаҳои замин ва пешгирии ҳолатҳои ғайриқонунӣ додани замин гузаронидани корҳои фаҳмондадҳӣ бетаъхир гузоштани муҳлат амалӣ карда шаванд. Чунки сол аз сол чунин ҷиноятҳо зиёд гардида истодааст.
