11 Апрел 2026
Бо мақсади таъмини иҷрои Фармони Президенти Ҷумҳурии Тоҷикистон аз 28 феврали соли 2026, №1143 “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1999-2008 Ҷумҳурии Тоҷикистон ба хизмати ҳарбӣ”, қарори дахлдори Раиси вилояти Суғд "Дар бораи даъвати шаҳрвандони солҳои таваллудашон 1999-2008 ба хизмати ҳарбӣ дар моҳҳои апрел-майи соли 2026" ва қарори раиси шаҳри Гулистон, баҳри иҷрои сифатноки нақшаи даъват дар шаҳр чораҳои зарурӣ андешида шуд.
Роҳандозии тадбирҳои судманд ва ба роҳ мондани корҳои тарғиботиву ташвиқотӣ, анҷом додани мулоқоту вохӯриҳо бо насли ҷавон ва волидайни онҳо, баргузории силсилаи чорабиниҳои маърифатӣ, фарҳангӣ ва варзишӣ, рӯзи дарҳои кушод дар қисмҳои ҳарбӣ ва дигар чорабиниҳои ҳадафманд имкон дод, ки шаҳри Гулистон санаи 9 апрели соли ҷорӣ, нақшаи босифати даъвати навбатии шаҳрвандони солҳои таваллуди 1999-2008 Ҷумҳурии Тоҷикистон ба хизмати ҳарбиро ба пуррагӣ иҷро намояд.
Фаъолияти дастаҷамъонаи масъулини мақомоти иҷроияи ҳокимияти давлатии шаҳр бо комиссариати ҳарбӣ ва дигар сохторҳои ҳифзи ҳуқуқу ниҳодҳои давлатӣ, раисони ҷамоати шаҳракҳо, раисони кумитаи маҳаллаҳо ҷиҳати ҷалби ихтиёриёни ҷавон ба курси кутоҳмуддати ронандатайёркунӣ дар ташкилоти ҷамъиятии "Мададгори мудофиа" низ ба иҷрои саривақтиву босифати нақшаи даъвати баҳорӣ мусоидат намуд.
Боиси хушнудист, ки шаҳри Гулистон тули солҳои охир нақшаи даъвати ҷавонписарон ба сафи Қувваҳои Мусаллаҳи Ҷумҳурии Тоҷикистонро пеш аз муҳлати муайяншуда иҷро намуда истодааст.
Мақомоти иҷроияи ҳокимияти давлатии шаҳри Гулистон барои эҳсоси баланди ватандӯстӣ ва ифтихори миллӣ ба падару модари даъватшудагон, ҷавонписарони матинирода, масъулини комиссариати ҳарбӣ, роҳбарони воҳидҳои сохторӣ, масъулон ва раисони ҷамоати шаҳракҳо изҳори сипосмандии хешро баён менамояд.
