25 Декабр 2018
Дар толори Маркази фароғатии “Манижа” бо датсгирии мақомоти иҷроияи ҳокимияти давлатии шаҳр ва ибтикори бонуи соҳибкор, вакили Маҷлиси вакилони халқи шаҳр, роҳбари Фонди хайриявии “Бунёди шафқат” Турсуной Зокирова барои 200 нафар мактабиён аз оилаҳои камбизоат, бачаҳои имконияташон маҳдуд ва бепарастор чароғаки солинавӣ бо оростани дастархони идона, намоиши театрикунонидашудаи солинавӣ ва консерти идона ташкил ва гузаронида шуд.
Мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода табрикоти солинавии иҷрокуннадаи вазифаи Раиси шаҳр Фирдавс Шарифзодаро манзури иштирокчиёни чорабинӣ намуд. Ҳамчунин раиси кумитаи иҷроияи ҲХДТ дар шаҳр Муслимахон Ҷамолиён хонандагонро бо фарорасии Соли нав шодбош гуфт.
Дар охир ба ҳар як иштирокчии чароғаки солинавӣ Бобои барфӣ туҳфаҳои солинавӣ супорид.
