12 Июл 2021
Бахши Раёсати Кумитаи ҳолатҳои фавқулода ва мудофиаи граҷдании вилояти Суғд дар шаҳри Гулистон баҳри иҷрои дастуру супориши протоколии ҷаласаи кории назди Раиси шаҳри Гулистон аз 5-уми июли соли 2021 ва қарори Раиси шаҳри Гулистон “Дар бораи ситоди шаҳрӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши бемории сирояти коронавируси нави СОVID-19, санаи 8-уми июли соли ҷорӣ аз тарафи гурӯҳи кории Раёсати вилоят ва кормандони Бахш дар мавзеъҳои истироҳатӣ аз ҷумла обутобгоҳҳои “Сайёд”, “Баҳористон”, “Шифо” ва “Маркази таълимии бонки миллии ҶТ” дар шаҳри Гулистон, ки бештари аҳолӣ дар мавзеъҳои мазкур машғули истироҳат мешаванд, аксия оид ба пешгирӣ аз сирояти коронавируси нави COVID-19 ташкил ва гузаронида шуда, маводҳои иттилоотӣ дастраси аҳолӣ карда шуд.
Илова бар ин, ба самъи соҳибмулкони обутобгоҳҳо расонида шуд, ки баҳри пешгирии пайдоиши сирояти коронавируси нави СОVID-19 дар ҷойҳои корӣ назоратро пурзӯр намоянд. Ҳамзамон бо мақсади пешгирӣ аз ҳодисаҳои нохуши ғарқшавии шаҳрвандон дар обутобгоҳҳои болозикр корҳои тарғиботиву ташвиқотӣ оид ба риоя намудани қоидаҳои шиноварӣ дар байни аҳолӣ ташкил ва гузаронида шуда, маводҳои иттилоотӣ дастраси аҳолӣ гардонида шуд. Ҷараёни корҳои гузаронидашуда тариқи муассисаи даватии телевизони вилояти Суғд инъикос карда шуд.