22 Сентябр 2021
Дар толори Мақомоти иҷроияи ҳокимияти давлатии шаҳр мулоқоти Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо мудирони шуъбаву бахшҳо, раисони Ҷамоати шаҳракҳо, роҳбарони воҳидҳои зерсохтори Мақомоти иҷроияи ҳокимияти давлатии шаҳр, раисони маҳаллаҳо ва дигар фаъолон баргузор гардид.
Вохӯриро Раиси шаҳри Гулистон Бахтиёр Саидаҳмадзода ҳусни ифтитоҳ бахшид. Сипас, Ваколатдор оид ба ҳуқуқи инсон дар Ҷумҳурии Тоҷикистон Умед Бобозода доир ба мазмуну муҳтавои санадҳои меъёрии ҳуқуқии Ҷумҳурии Тоҷикистон, механизмҳои ҳифзи ҳуқуқи инсон дар кишвар, масъалаҳои байналмилалии ҳифзи ҳуқуқи инсону шаҳрванд ва монанди ин суханронӣ намуд.
Сипас, дар толори хурди Мақомоти иҷроияи ҳокимияти давлатии шаҳр қабули шаҳрвандон аз маркази шаҳр ва Ҷамоати шаҳракҳо аз тарафи Ваколатдор оид ба ҳуқуқи инсон дар Ҷумҳурии Тоҷикистон Умед Бобозода ва намояндагони он дар вилоят ба вуқӯъ пайваст.
Дар маҷмӯъ 7 муроҷиат, 6 муроҷиати инфиродӣ ва як муроҷиати дастҷамъонаи сокинон аз маркази шаҳр, Ҷамоати шаҳраки Адрасмон ва Чоруқдаррон мавриди баррасӣ ва ҳаллу фасл қарор дода шуданд.
