21 Июн 2024
Тибқи нақшаи тасдиқгардидаи Мақомоти иҷроияи ҳокимияти давлатии вилояти Суғд дар доираи нахустин мулоқоти Форуми занони Тоҷикистону Чин бахшида ба сафари давлатии Раиси Ҷумҳурии Мардумии Чин дар мавзуи “Муколама ва ҳамкорӣ” меҳмонони Форум санаи 20.06.2024 ба шаҳри Гулистон ташриф оварданд.
Дар Муассисаи давлатии “Боғи фарҳангӣ фароғатии Темурмалик” меҳмононро санъаткорон ва занону бонувони шаҳр гарму ҷӯшон истиқбол намуданд.
Дар маросими истиқбол Раиси шаҳри Гулистон Раъно Ҳошимзода иштирок намуда, меҳмомнонро ба шаҳри Гулистон хайрамақдам гуфта, баргузории Форуми мазкур ва дар ин доира боздид кардани меҳмонон аз як қатор мавзеъҳои шаҳру навоҳии вилоятро барои густариши ҳамкориҳо иқдоми нек арзёбӣ намуд.
Меҳмонон аз Муассисаи давлатии “Боғи фарҳангӣ фароғатии Темурмалик”, ки дар соҳили "Баҳри тоҷик" воқеъ аст дидан намуданд ва аз ҷониби санъаткорони шаҳр ба ин муносиабт барномаи фарҳангӣ манзур карда шуд.
