25 Январ 2025
Имрӯз, 25.01.2025 дар толори мактаби санъати маркази шаҳр вохӯрӣ бо сокинон , аъзои комиссияҳои учаткаҳои интихоботӣ вохӯрӣ баргузор карда шуд.
Дар вохӯрии мазкур муовини Раиси шаҳр Шарифҷони Саидраҳмон, коршиноси Комиссияи марказии интихобот ва раъйпурсии Ҷумҳурии Тоҷикистон Қурбон Қурбонов ва намояндаи мақомоти иҷроияи ҳокимияти давлатии вилоят, сармутахассиси шуъбаи ташкилӣ ва кор бо кадрҳои дастгоҳи Раиси вилоят Исматҷон Ҷумаев иштирок ва суханронӣ намуданд.
Зикр карда шуд, ки тибқи Фармони Президенти Ҷумҳурии Тоҷикистон муҳтарам Эмомалӣ Раҳмон аз 4 декабри соли 2024, №882 Дар бораи таъини интихоботи даъвати нави Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ - Интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои вакилони халқи Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо 2 марти соли 2025 таъин карда шуд.
Дар Иҷлосияи ғайринавбатии бистуми Маҷлиси вакилони халқи шаҳри Гулистон, даъвати шашум масъалаҳои интихоботи вакилони Маҷлиси вакилони халқи шаҳри Гулистон, даъвати ҳафтум, ташкил намудани Комиссияи шаҳрии интихобот оид ба интихоботи вакилони Маҷлиси вакилони халқи шаҳри Гулистон, даъвати ҳафтум, миқдори ҳавзаҳои ҳудудии интихобот оид ба интихоботи вакилони Маҷлиси вакилони халқи шаҳри Гулистон, даъвати ҳафтум ба баррасӣ гузошта шуда, аз ҷониби вакилон қарорҳои дахлдор қабул карда шуд.
Бо қарори Маҷлиси вакилони халқи шаҳр, Комиссияи шаҳрии интихобот оид ба интихоботи вакилони Маҷлиси вакилони халқи шаҳр, даъвати ҳафтум иборат аз 15 нафар ташкил гардид.
Бо мақсади муҳайё намудани шароити муносиб барои пешбарии номзадҳо ва барои гузаронидани интихобот оид ба интихоботи вакилон ба Маҷлиси вакилони халқи шаҳри Гулистон, даъвати ҳафтум ба миқдори 35 ҳавзаҳои интихоботӣ бо муқаррароти ном, ҳудуд, рақам ва шумораи интихобкунандагон ташкил карда шуд.
Ҳамчунин, бо мақсади муҳайё намудани шароити муносиб барои интихобкунандагон, барои гузаронидани интихобот оид ба интихоботи вакилон ба Маҷлиси вакилони халқи вилояти Суғд, даъвати ҳафтум ва вакилон ба Маҷлиси вакилони халқи шаҳри Гулистон, даъвати ҳафтум ба миқдори 35 участкаҳои интихоботӣ бо муқаррароти ҳудуд, рақам ва шумораи интихобкунандагон ташкил карда шуд,
Ҳамзамон, барои гузаронидани интихоботи вакилони Маҷлиси вакилони халқи шаҳри Гулистон, даъвати ҳафтум, комиссияи ҳавзавии интихобот оид ба интихоботи вакилон ба Маҷлиси вакилони халқи шаҳри Гулистон ташкил карда шудааст.
Барои дар сатҳи баланди ташкилию сиёсӣ баргузор намудани ин маъракаи муҳими сиёсӣ коршиносон доир ба раванди интихобот суҳбат намуданд. Дар фарҷом изҳори итминон карда шуд, ки маъракаи муҳими сиёсӣ дар сатҳи баланди ташкилию сиёсӣ баргузор мегардад.
