08 Ноябр 2016
Дар Кохи фарҳангии «Истиқлол» бахшида ба 22-юмин солгарди Рӯзи қабули Конститутсияи Ҷумҳурии Тоҷикистон ҷасаи тантанавӣ доир гардид.
Раиси шаҳри Гулистон Сатториён Матлубахон Амонзода гулистониёнро бо ин рӯзи саиду фархунда муборакбод намуда, зикр кард, ки бузургӣ ва аҳамияти ин санади муҳимми таърихӣ, пеш аз ҳама, дар он ифода меёбад, ки он бори нахуст аз ҷониби худи халқ ва барои халқ бо роҳ ифодаи озодонаи майлу иродаи шаҳрвандони мамлакат қабул карда шудааст.
Бо қабули Конститутсия халқи Тоҷикистон дар айёми ниҳоят ҳассоси таърихӣ бори дигар исбот кард, ки ҳеҷ гуна душвориву мушкилот, аз ҷумла ҷанги даҳшатбори ба сари давлат ва мардуми Тоҷикистон таҳмилшуда наметавонанд сокинони сулҳдӯсту созандаи кишвари моро аз роҳи ҳақиқату ростӣ, эъмори давлати муосири миллӣ ва фаъолияти бунёдкорона берун созанд.
Сарвари шаҳр тазаккур дод, ки Конститутсияи Тоҷикистони соҳибистиқлол сиёсати давлатдории моро ба низом даровард. Конститутсияи Тоҷикистон маҳсули афкори пешқадами кулли мардуми кишвар буда, таҳти роҳбарии хирадмандона ва ташаббуси бевоситаи Асосгузори сулҳу ваҳдати миллӣ, Пешвои миллат, Президенти мамлакат, Ҷаноби Олӣ муҳтарам Эмомалӣ Раҳмон шашуми ноябри соли 1994 дар раъйпурсии умумихалқӣ қабул гардидааст. Дар Қонуни Асосии Тоҷикистон арзишҳои олии ҳаёти ҷамъиятӣ ва сохторҳои давлатӣ, эътирофи волоияти қонун, эътирофи арзишҳои олӣ доштани инсон ва ҳуқуқу озодиҳои ӯ ва монанди ин таҷассуми худро ёфтаанд. Пас аз Истиқлолияти давлатии Тоҷикистон қабули Конститутсия яке аз дастовардҳои азими халқи тоҷик ба шумор меравад.
Сипас дар вазъи тантанавӣ ба се нафар нишони «Аълочии фарҳанги Ҷумҳурии Тоҷикистон» супорида шуд.
Дар фарҷоми ҷаласаи тантанавӣсанъаткорони бахши фарҳанги шаҳр барномаи марғуби консертиро манзури ҳамагон намуданд.
