АРМУҒОНИ ҚОЛИНБОФОН

Бо иштироки Раиси шаҳри Гулистон Фирдавс Шарифзода дар арафаи 28-умин солгарди Истиқлолияти давлатии Ҷумҳурии Тоҷикистон дар ҶСК «Қолинҳои Қайроққум» дар вазъи тантанавӣ бингои маъмурии якум ва дуюми корхона пас аз азнавсозӣ ва таҷдиду тармими асосӣ ифтитоҳ гардид.

Барои фароҳам овардани шароити хуби меҳнатӣ, такмили ихтисоси мутахасисин, истироҳату фароғат ва ташкили хизмати маишӣ барои кормандон дар бинои маъмурии якум дар масоҳати 2 ҳазор метрии мураббаъ як ошхона барои 162 ҷойи нишаст, намоишгоҳи маҳсулот тайёр, ҳуҷраҳои кори барои маъмурият ва мутахасисон, толори багузории машваратҳо, ҳуҷраи гуфтушунидҳо, гӯшаи интизорӣ барои меҳмонон, ҳучраи бойгонӣ, дар бинои маъмурии дуюм бошад инчунин дар масоҳати ду ҳазор метрии мураббаъ ҳуҷраҳои либосивазкунӣ, ҳуҷраи истироҳат барои кормандон, синфхона, китобхона, хазина нуқтаи тиббӣ, ҳаммом ва дигар утоқхои хизматӣ бунёд карда шудааст.

ТАҚДИМИ ЛИБОСҲОИ МАКТАБӢ

Дастгирии қишри ниёзманди ҷомеа яке аз самтҳои асосии сиёсати иҷтимои давлат маҳсуб ёфта, тибқи дастуру супоришҳои доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақомоти иҷроияи ҳокимияти давлатии шаҳри Гулистон бахшида ба иду ҷашнҳои давлатӣ ва суннатӣ ба онҳо пайваста кумакҳои моливу молиявӣ мерасонад.

Дар толори мақомоти иҷроияи ҳокимияти давлатии шаҳр маросими анъанавии супоридани либосҳои мактабӣ ба мактаббачагон аз оилаҳои ниёзманд ба вуқӯъ пайваст. Дар ибтидо зикр гардид, ки соли нави таҳсили 2019-2020 дар шароити зиндагии осоишта ва фаъолияти созандаи мардум дар арафаи ҷашнҳо ва рӯйдодҳои муҳим оғоз меёбад. Масъулин хонандагонро бо оғози соли нави таҳсили 2019-2020 табрик намуда, ба мактабиён хониши хубу аъло таманно намуд.

МУСОБИҚАИ ШАҲМОТ

Дар майдони тозабунёди Нишони давлатии Ҷумҳурии Тоҷикистон мусобиқаи шаҳрии шоҳмот барои дарёфти «Ҷоми Пешвои миллат» ба итфихори 28-уми солгарди Истиқлолияти давлатии Ҷумҳурии Тоҷикистон байни кормандони кормандони корхонаву ташкилот, муассисаҳо ва ҷамоати шаҳракҳо гузаронида шуд.

Дар мусобиқа беш аз 40 нафар намояндагони ҷамоати шаҳрак, корхонаву муассиса ва ҷавонон иштирок намуданд. Дар мусобиқаи мазкур байни духтарони то 14 сола Сабрина Самадова, байни писарони то 14 сола Рабиҷон Маҳмудов, аз 14 то 30 сола байни ҷавондухтарон Шаҳноза Ҳамралиева, байни ҷавонписарон Акрамҷон Самадов ва дар синни аз 30 сола боло байни бонувон Наргис Ӯрунова, байни мардҳо Ҳомидҷон Устоев дастболо гардиданд. Ба ғолибон дипломҳои дараҷавӣ ва туҳфаҳои мақомоти иҷроияи ҳокимияти давлатии шаҳр дар вазъи тантанавӣ супорида шуданд.

Пешвои миллат Эмомалӣ Раҳмон бинои нави Академияи идоракунии давлатии назди Президенти Ҷумҳурии Тоҷикистонро ифтитоҳ намуда, дар Рӯзи дониш ва Дарси сулҳ иштирок намуданд

1 сентябри соли 2019 дар шаҳри Душанбе Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе муҳтарам Рустами Эмомалӣ бинои маъмурию таълимӣ, меҳмонхона ва хобгоҳи замонавии Донишкадаи идоракунии давлатии назди Президенти Ҷумҳурии Тоҷикистонро ифтитоҳ карда, дар чорабинии Рӯзи дониш ва Дарси сулҳ иштирок намуданд.