Дар Кохи фарҳангии “Истиқлол” бо мақсади тарғибу ташвиқи либоси миллӣ, тарбияи зебоипарастӣ, рушди саноати сабук, арҷгузорӣ ба фарҳанги либос ва ҳунари волои халқи тоҷик дар дӯхти либосҳои миллӣ, тақвияту густариш бахшидан ба истеҳсолу истифодаи анвои гуногуни либосу матоъҳои миллӣ ва муосири кӯдакону наврасон, духтарону ҷавонон, бахшида ба «Солҳои 2019-2021- Солҳои рушди деҳот, сайёҳӣ ва ҳунарҳои мардумӣ"фестивали шаҳрии “Ҷилваи рангҳо” баргузор гардид.
Фестивали шаҳрӣ аз рӯи 8 номгӯй (номинатсия) доир гардида, иштирокчиён либосҳои қадима ва муосири кӯдакону наврасон, либосҳо барои персонажҳои афсонавӣ ва хоси корвони шодӣ (карнавалӣ), либосҳои рӯзмарраи духтарон, бонувон ва модарон, либосҳо барои ҷавонон, мардон ва муйсафедон, либосҳои маросимӣ ва идона, либосҳои расмӣ (протоколӣ), либосҳои фароғатӣ, либосҳо барои хона ва корхона бо тарз ва усули хосса тибқи талаботи низомнома манзури ҳакамон ва тамошобинон намуданд.
Тибқи нақша Рӯзи ягонаи ахбори сиёсӣ дар ҳудуди шаҳри Гулистон дар мавзӯи “Забони модарӣ – забони назми оламгири Рӯдакӣ» муташаккилона баргузор гардид. Дар беш аз 43 ташкилоту корхона, ҷамоати шаҳрак, муассисаву ташкилот ва идораҳо тарғиботчиёни маҳаллӣ доир ба арҷгузорӣ ба муқаддасоти миллӣ – забони давлатӣ суханрониҳо намуданд.
