Таҷлили Рӯзи оила

Бахшида ба Соли рушди сайёҳӣ ва ҳунарҳои мардумӣ дар маҷмааи фарҳангӣ-фароғатии «Соҳил» чорабинии рангин ба ифтихори Рӯзи байналмилалии оила баргузор гардид. Дар чорабинӣ намояндагони мақомоти иҷроияи ҳокимияти давлатии шаҳр мудири бахши кор бо занон ва оила Ойниссо Раҳматова, мудири бахши САҲШ Наргис Маҳмудзода ва Раиси Шӯрои собиқадорони ҷангу меҳнат Каромат Қосимова баромад намуда қайд карданд, ки оила ин асоси давлат буда, арзишҳои маънавии онро бояд ҳифз карда, теъдоди оилаҳои солим ва устуворро зиёд бояд кард.

Дар чорабинӣ 9 оилаҳои зиёӣ Истамовҳо, Кабировҳо ва ҳунармандон Рӯзиевҳо, Пӯлотовҳо, Ҳоҷиевҳо, Турабоевҳо,ва Муллобоевҳо аз ҷамоати шаҳракҳо иштирок карда, доир ба таҷрибаи рӯзгордорӣ мубодилаи афкор намуданд. Дар охир санъаткорони шаҳри Гулистон барномаи консертии марғубро манзури иштирокчиён намуданд. Ба оилаҳои намунавии шаҳр туҳфаҳои мақомоти иҷроияи ҳокимияти давлатии шаҳр супорида шуданд.

Ба имзо расидани як қатор қонунҳо аз тарафи Президенти Ҷумҳурии Тоҷикистон

Дирӯз аз тарафи Президенти Ҷумҳурии Тоҷикистон як қатор қонунҳое, ки Маҷлиси намояндагон онҳоро қабул ва Маҷлиси миллӣ ҷонибдорӣ намуда буд, ба имзо расонида шуданд.

Қонунҳои Ҷумҳурии Тоҷикистон «Дар бораи ҳаракат дар роҳ», дар бораи ворид намудани тағйиру иловаҳо ба кодексҳои ҷиноятӣ ва мурофиавии ҷиноятии Ҷумҳурии Тоҷикистон, ҳуқуқвайронкунии маъмурӣ ва мурофиаи ҳуқуқвайронкунии маъмурӣ, қонунҳои Ҷумҳурии Тоҷикистон «Дар бораи бехатарии иншоотҳои гидротехникӣ», «Дар бораи маводи доруворӣ ва фаъолияти фарматсевтӣ», «Дар бораи маориф», «Дар бораи таҳсилоти олии касбӣ ва таҳсилоти касбии баъд аз муассисаҳои олии таълимӣ» аз ҷумлаи онҳо мебошанд.

Таҳкими корҳои ободонӣ – масъулияти шаҳрвандист

Дар толори хурди мақомоти иҷроияи ҳокимияти давлатии шаҳри Гулистон таҳти раёсати Раиси шаҳр Матлубахон Амонзода машварат бо иштироки муовин, мудирони шуъбаву бахшҳо, роҳбарони зерсохторҳои мақомот, раисони ҷамоати шаҳракҳо, сардорони корхонаву муассисаҳо баргузор гардид.

Дар ибтидо Раиси шаҳр оид ба суханронии пурмуҳтавои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо намояндагони ҷомеаи кишвар ба муносибати фарорасии моҳи Рамазон ва дастуру супоришҳои Пешвои миллат ҳарф зад.

Адибони ваҳдатсаро

Ба истиқболи 21-умин солгарди Рўзи Ваҳдати миллӣ дар толори МҒД Коллеҷи тиббӣ ва муассисаи таълимии рақами 1 бо иштироки беш аз 300 нафар устодон ва муҳассилини шаҳр маҳфили «Адибони ваҳдатсаро» баргузор гардид.

Маҳфилро мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода ҳусни ифтитоҳ бахшид. Сипас раиси Шўрои кўҳансолони Шўрои вилоятии Ҳаракати ҷамъиятии ваҳдати миллӣ ва эҳёи Тоҷикистон Қобилҷон Усмонов, сармуҳаррири ҳафтаномаи вилоятии «Шуълаи умед», нависанда Мирзоаъзам Мақсудов, шоир, узви Иттифоқи нависандагони Тоҷикистон Ҷўра Юсуфӣ, шоири ҷавон, узви Иттифоқи нависандагони Тоҷикистон Насимбек Қурбонзода ба сухан баромада, роҷеъ ба арзишҳои ваҳдати миллӣ, ҳисси худшиносӣ ва худогоҳӣ, ватандўстиву ватанпарастӣ, сулҳу субот ҳарф зада, доир ба мавзўъҳои ваҳдату ягонагӣ, дўстиву рафоқат аз ашъори худ порчаҳо қироат намуданд.