Ифтитоҳи майдончаи варзишӣ

АДРАСМОН. Варзиш гарави саломатӣ буда, ҳар нафаре, ки ба тарбияи бадан машғул мешавад, ҳам ҷисман ва рўҳан солим мебошад.

Бо дарназардошти аҳамияти варзиш барои наврасону ҷавонон тибқи дастуру супоришҳои Раиси шаҳри Гулистон Матлубахон Амонзода ба қарибӣ дар кўчаи Темурмалики шаҳраки Адрасмон майдончаи варзишӣ сохта ба истифода дода шуд.

Маҳсулот дар ҳаҷми беш аз 2,1 миллиард сомонӣ

Корхонаҳои саноатии шаҳри Гулистон дар давоми соли 2016 ба маблағи 2 миллиарду 129 миллиону 523,0 ҳазор сомонӣ маҳсулот истеҳсол намуданд, ки ин нисбати соли қаблӣ бо нархҳои амалкунанда 142,3 фоизро ташкил дод.

Ин нишондиҳанда аз нақша ба маблағи 633 миллиону 341,3 ҳазор сомонӣ зиёд мебошад. Соли 2016-ум аз 30 корхонаи саноатии шаҳр 16-тои онҳо афзоиши ҳаҷми истеҳсоли маҳсулотро аз 100,8% то ба 282,0% расонида, иҷрои онро барзиёд таъмин намуданд.

Дар як сатр...

-Соли 2016 ба 3429 нафар ба маблағи 462561 (чорсаду шасту ду ҳазору панҷсаду шасту як) сомонӣ ёрии яквақтаи моддӣ расонида шуд.

-Соли 2016 корхонаҳои саноатии шаҳр бо 22 кишвари ҷаҳон алоқаи тиҷоратӣ дошта, ҳаҷми маҳсулоти содиротӣ ба маблағи 150 миллиону 059,9 ҳазор доллари ИМА, воридот бошад 32 миллиону 404,4 ҳазор доллари ИМА-ро ташкил дода, фарқияти содирот аз воридот дар ин давра 4,6 маротиба зиёд гардидааст.

Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон

Муҳтарам аъзои Маҷлиси миллӣ ва вакилони Маҷлиси намояндагон!

Ҳамватанони азиз!

Паёми имсолаи Президент дар бораи самтҳои асосии сиёсати дохилӣ ва хориҷии мамлакат баъди ҷашни чорякасраи истиқлолияти давлатии Тоҷикистон, яъне дар даврае пешниҳод мегардад, ки кишвари азизи мо ба марҳалаи нави рушд ворид гардида, мардуми шарифи Тоҷикистон ба сӯи ояндаи ободу осуда бо қадамҳои устувор пеш меравад.

Дар зарфи бисту панҷ сол мо ба шарофати заҳмати софдилонаи халқамон дар роҳи таъмин намудани рушди сиёсиву иқтисодӣ ва иҷтимоиву фарҳангии кишвар ба натиҷаҳои назаррас ноил гардидем.

Мо ҳамаи ин корҳоро ба хотири таҳкими пояҳои истиқлолияти давлатиамон анҷом додем.