Муроҷиатномаи иштирокчиёни маҷлиси машваратии кормандони соҳаи маориф ба тамоми омўзгорону мурраббиён, падару модарон, сарпарастон ва аҳли ҷомеаи шаҳри Гулистон

Ҳамдиёрони гиромӣ!

Дар натиҷаи ғамхориҳои пайгиронаи давлату Ҳукумат, мақомоти иҷроияи ҳокимияти давлатии вилоят ва шаҳр сол аз сол маблағгузорӣ ба соҳаи маориф меафзояд, сохтмон ва таъмири мактабу синфхонаҳо ва гурўҳҳои иловагӣ суръат гирифта, заминаи моддӣ - техникии муассисаҳои таълимӣ таҳким меёбад. Барномаҳои давлатии компютеркунонии муассисаҳои таълимӣ, такмили таълим ва омўзиши забонҳои русӣ ва англисӣ, тайёр кардани мутахассисони соҳаи омўзгорӣ ва дарёфти истеъдодҳои ҷавону наврас амалӣ гардида истодаанд.

Дар Паёми Президенти мамлакат ба Маҷлиси Олӣ, суханрониҳои Сарвари давлат дар мулоқоту вохўриҳо бо аҳли ҷомеа, хонандагону омўзгорон вазъи имрўзаи мактабу маориф васеъ таҳлил гардида, ба вазоратҳои дахлдор, мақомотҳои маҳаллии ҳокимияти давлатӣ барои бартараф намудани камбудиву норасоиҳои соҳа дастуру супоришҳои мушаххас дода шуданд.

Боздид аз Чоруқдаррон

Тибқи дастури Раиси шаҳри Гулистон Матлубахон Амонзода гурўҳи корӣ таҳти роҳбарии муовини Раиси шаҳр Ғайрат Оқилзода дар ҳайати мудири шуъбаи рушди иҷтимоӣ ва робита бо ҷомеаи дастгоҳи раиси шаҳр, мудири шуъбаи маориф, мудирони бахши нақлиёт ва коммуникатсия, саноат ва энергетика, меъморӣ ва ҳифзи муҳити зист ба шаҳраки Чоруқдаррон сафари корӣ анҷом дода шуд.

Дар даромадгоҳи шаҳрак бо иштироки ҳайати гурўҳи корӣ, инчунин раиси ҷамоат, директори ҶСШК «КНФЛ», раисони маҳаллаҳо доир ба вазъи даромадгоҳ гуфтугузор ба вуқўъ пайваст, доир ба тоза кардани ду тарафи роҳ аз алафу буттаҳои худрўй, таъмири ҷории роҳ, сохтмонҳои нотамоми канори роҳ, бурриши санитарии дарахтон, ба тартиб даровардани навиштаҷоту овезаҳо, парчаммонак ва тозагии ду даромадгоҳ ба масъулин вазифагузорӣ карда шуд. Ҳамчунин, перомуни ба тартиб даровардани деворҳои тахтагини қади кўчаҳои дохили шаҳрак, иваз кардани шиору овезаҳои куҳнашуда, рангубори деворҳои муҳофизатӣ масъалагузорӣ карда шуданд.

Ду пули нав дар Зарчашма

Тибқи иҷрои дастуру супоришҳои Раиси шаҳр Матлубахон Амонзода зимни боздид аз шаҳраки Адрасмон роҷеъ ба вусъати корҳои созандагӣ дар ҳудуди шаҳрак ва деҳоти тобеи он, ҷамоати шаҳрак барои ободони шаҳраки кўҳканон тадбиру чораҳои мушаххас амалӣ мегарданд.

Дар деҳаи Зарчашма бо дастгирӣ ва маблағгузории соҳибкорони маҳаллӣ ва ашхоси саховатманд дар муҳлати кутоҳтарин ду купрўки нав сохта ба истифода дода шуда, корҳои зиёди соҳилмустаҳкамкунӣ дар ин деҳа ба анҷом расонида шуданд. Акнун мушкили деҳотиён дар равуо байни ду соҳили рўди Зарчашма осон гардид.

Мулоқоти судманд

Дар толори ҷамоати шаҳраки Адрасмон дар партави суханронии Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон зимни мулоқот бо фаъолони кишвар бахшида ба 10-солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» мулоқот бо иштироки гурўҳи кории мақомоти иҷроияи ҳокимияти давлатии шаҳр, фаъолони шаҳрак, раисони маҳаллаҳо, фаъолзанон, ҷавонон ва намояндагони иттиҳодияҳои ҷамъиятӣ доир гардид. Раиси ҷамоат Сафар Нурматзода ҷамъомадро ифтитоҳ бахшида, доир ба татбиқи қонуни номбурда дар шаҳрак иттилоъ дод.

Сипас мудири бахш оид ба корҳои дин, танзими анъана ва ҷашну марсоимҳои миллӣ Манучеҳр Шарипов, мудири бахши кор бо зан ва оила Ойнисо Раҳматзода, мутахассиси пешбари бахши САҲШ-и шаҳр Динора Муҳаммадҷонова доир ба нуктаҳои асосии суханронии Пешвои миллат ҳарф зада, дар бораи маданияти шаҳрдорӣ, арҷгузорӣ ба фарҳанг ва либосҳои миллӣ, пешгирии падидаҳои номатлуб ва амсоли ин суханронӣ намуданд. Дар охир мубодилаи афкор ба вуқўъ пайваст.