Тирамоҳи зарррин

Дар муассисаи таълимии давлатии таҳсилоти иловагии шаҳри Гулистон озмуни «Тирмоҳи зарин» дар байни муассисаҳои таълимӣ баргузор гардид. Дар омун дастаҳои дӯстдорони табиати МТМУ № 1, 5,7, 8,12, 13, 14 ва гимназияи №1 фаъолона иштирок намуданд. Дастаҳои аз рӯи чор шарти озмун байни ҳам қувва озмуда, гӯшаҳои рангини бахшида ба табиати нотакрори диёр, муҳофизати муҳити зист омода кардаи худро ба маърази умум гузоштанд.

Ҳамчунин, хонандагон байни ҳам дар пурсишҳо аз фанни экология ва биология иштирок карда, дониши экологии худро санҷиданд. Дастаҳои мактабиён рисолаву рефератҳои худро дар мавзӯи муҳити зист ва экология ҳимоя карда, маҳорати худро дар ороиши гулҳои тубакӣ ва сабадгулҳо намоиш доданд.

Табрикоти Раиси шаҳри Гулистон Сатториён Матлубахон Амонзода ба муносибати Рӯзи милитсия

Муҳтарам кормандон ва хизматчиёни мақомоти корҳои дохилии шаҳри Гулистон!

Ҷашни таъсисёбии мақомоти милитсияи тоҷик дар замоне таҷлил мегардад, ки кишвари мо ҳамчун давлати соҳибистиқлол муддати бисту панҷ сол дар арсаи байналмилалӣ арзи ҳастӣ дорад. Дар ин давра тавассути сиёсати хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон аҳкоми давлатдорӣ пойдор гардида, ҳаёти мардуми кишварамон дар муҳити орому осоишта ва рушди босубот идома дорад.

Роиҷ ба зикр аст, ки роҳи пуршарафи милитсияи тоҷик дар солномаи Тоҷикистони соҳибистиқлол бо ҳарфҳои зарин навишта шудааст. Аз рӯзҳои нахустини таъсисёбии худ он доимо дар сафи пеши мубориза баҳри таъмини тартиботи ҷамъиятӣ ва ҳифзи ҳуқуқу озодиҳои шаҳрвандон истода, анъанаҳои онҳоеро, ки сари гаҳвораи ин ниҳоди муҳими давлатӣ буданд, бошарафона идома медиҳад. Дар таърихи ташаккул ва инкишоф милитсияи Тоҷикистон роҳи пуршарафи тараққиётро тай кардааст. Дар ин дарозо кормандони мақомоти корҳои дохилӣ ҳамеша дар сафи аввали мубориза бар зидди ҷинояткорӣ будаанд.

Аёдати ниёзмандон

Ба ифтихори Рӯзи Конститутсия Раиси шаҳри Гулистон Матлубахон Амонзода собиқадори меҳнат, ходими давлатӣ Санавбар Нуриллоеваро аёдат карда, бо Рӯзи қабули Конститутсия таҳният намуд ва барои собиқадор дастовези идона супорид.

Бо супориши Раиси шаҳр масъулини мақомоти иҷроияи ҳокимияти давлатии шаҳр, Ҷамоати шаҳракҳо ба ифтихори Рӯзи Конститутсия беш аз 80 нафар собиқадорони ҷангу меҳнат, муҳофизони сохти конститутсионӣ, ҷанговарони интернатсионалист, чернобилчиён, оилаҳои бесаробонмонда, ятимони ашхоси имконияташон маҳдуд ва ниёзмандро аёдат карда ба онҳо кӯмаки яквақтаи моддӣ расониданд. Дар маҷмӯъ ба маблағи 10,4 ҳазор сомонӣ ба ифтихори Рӯзи Конститутсия шахсони ниёзманд аёдат карда шуданд.

Конститутсия – бахтномаи миллат

Дар Кохи фарҳангии «Истиқлол» бахшида ба 22-юмин солгарди  Рӯзи қабули Конститутсияи  Ҷумҳурии Тоҷикистон ҷасаи тантанавӣ доир гардид.

Раиси шаҳри Гулистон Сатториён Матлубахон Амонзода гулистониёнро бо ин рӯзи саиду фархунда муборакбод намуда, зикр кард, ки бузургӣ ва аҳамияти ин санади муҳимми таърихӣ, пеш аз ҳама, дар он ифода меёбад, ки он бори нахуст аз ҷониби худи халқ ва барои халқ бо роҳ ифодаи озодонаи майлу иродаи шаҳрвандони мамлакат қабул карда шудааст.