Матни равон

Таҳти раёсати Раиси шаҳри Гулистон Бахтиёр Саидаҳмадзода маҷлиси фаъолон оид ба натиҷаҳои рушди иҷтимоию иқтисодии шаҳр дар соли 2020 баргузор гардид. Дар ҷаласа роҳбарияти шаҳрдорӣ, мудирони шуъбаҳо ва бахшҳои мақомоти иҷроияи ҳокимияти давлатии шаҳр, сардорони воҳидҳои сохтории шаҳр, роҳбарони мақомоти ҳифзи ҳуқуқ, корхона, ташкилоту муассисаҳо, раисони ҷамоати шаҳракҳо, намояндагони соҳаҳои маориф, тандурустӣ ва дигар фаъолони даъватшуда дар толор иштирок доштанд.

Муовини якуми раиси шаҳр Нуринисо Комилзода доир ба рушди иқтисодию иҷтимоии шаҳр дар соли 2020 маърӯза намуд. Зикр гардид, ки дар соли 2020 қисми даромади буҷети давлатӣ 102,9 фоиз иҷро шуда, нақшаи даромади буҷети шаҳрӣ 105,3 фоиз иҷро гардид. Корхонаҳои саноатии шаҳр дар давоми соли 2020 ба маблағи 2,4 миллиард сомонӣ маҳсулот истеҳсол намуданд.

 

Корхонаҳои саноатии шаҳр афзоиши ҳаҷми истеҳсоли маҳсулотро то ба 2,5 маротиба зиёд ба иҷро расониданд. Дар ин давра корхонаҳои саноатии шаҳр бо 17 кишвари ҷаҳон алоқаи тиҷоратӣ доштанд. Гардиши савдои хориҷӣ 113,5 миллион долларро ташкил дод. Дар ин давра маблағи маҳсулоти содиротии корхонаҳои саноатӣ 79,3 миллион долларро ташкил дода, маблағи маҳсулоти воридотӣ ба 34,2 миллион доллар баробар шуда, фарқияти содирот аз воридот 2,3 маротиба зиёд шудааст.

Дар давоми соли ҳисоботӣ муштариёни шаҳр ба маблағи 106,7 миллион сомонӣ қувваи барқ истифода намуда, дар ин давра 101,6 миллион сомониро пардохт намуданд, ки ин нишондиҳанда 95,1%-ро ташкил додааст.

Дар раванди пурсиш ва таҳлили натиҷаҳои соҳаҳои хоҷагии халқи шаҳр Раиси шаҳр Бахтиёр Саидаҳмадзода ба роҳбарони корхонаҳои саноатӣ доир ба таъмини иҷрои нақшаҳои истеҳсолӣ, ҷалби сармоя ба истеҳсолот, кам кардани бақияи маҳсулоти дар анбор буда, пардохти саривақтии ҳаққи неруи барқ, сириштакорӣ дар истифодаи қувваи барқ, кам кардани талафоти он, доир ба пурзӯр намудани корҳои тарғиботӣ-ташвиқотӣ, иҷрои буҷет ва ғанигардонии он, ташкили ярмаркаи ҷойҳои кории холӣ, фурӯши маҳсулоти кишоварзӣ, инчунин ба масъулини соҳаҳои маориф, тандурустӣ, ҳифзи иҷтимоӣ ва монанди ин дастуру супоришҳои мушаххас дод.

Дар ҷаласаи фаъолон муовини роҳбари гурӯҳи корӣ оид ба таҳия ва амалӣ кардани нақшаи корҳои ободонию бунёдкорӣ ба муносибати 30-солагии Истиқлолияти давлатии Ҷумҳурии Тоҷикистон, намояндаи Агентии таъминоти амволи махсуси назди Ҳукумати Ҷумҳурии Тоҷикистон Муҳаммадӣ Абдусатторзода ва намояндаи Мақомоти иҷроияи ҳокимияти давлатии вилояти Суғд, сардори Раёсати маорифи вилоят Осим Каримзода иштирок ва суханронӣ намуданд.

Дар интиҳо ба як қатор корхонаву идораҳо барои натиҷаҳои назарраси меҳнатӣ дар соли ҳисоботӣ ва ба иштирокчиёни даври ҷумҳуриявии озмуни “Фурӯғи субҳи доноӣ китоб аст” сипосномаву туҳфаҳои молӣ ва пулии Мақомоти иҷроияи ҳокимияти давлатии шаҳр супорида шуд.

Шарҳ додан


Защитный код
Нав кардан

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд

Эълонҳо

  • 1
  • 2
  • 3
  • 4

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

БА ДИҚҚАТИ РОҲБАРОНИ КОРХОНАВУ МУАССИСА, ИДОРАВУ ТАШКИЛОТ, СОҲИБКОРОН ВА САХОВАТМАНДОН

Маблағҳои хайриявии худро барои дастгирии маъюбон, шахсони барҷомонда, ниёзмандон ва ободонии маҳал ба суратҳисоби зерин...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:2119
mod_vvisit_counterРӯзи гузашта:2246
mod_vvisit_counterҲамин ҳафта:6556
mod_vvisit_counterҲафтаи гузашта:18293
mod_vvisit_counterҲамин моҳ:60696
mod_vvisit_counterМоҳи гузашта:64958
mod_vvisit_counterҲамагӣ:3764476

Райъпурсӣ

Сомона чи хел аст?