29 Апрел 2022
Нимаи дуюми рӯзи 28 апрели соли ҷорӣ иҷрокунандаи вазифаи раиси шаҳри Гулистон Раъно Ҳошимзода бо мақсади огаҳӣ пайдо намудан аз вазъи фаъолияти ҶДММ “Шоҳин-БМТ” ба он ташриф овард.
Зимни шиносоӣ роҳбари шаҳр аз сифати хизматрасонӣ ва имкониятҳои мавҷуда дидан намуд.
Ба иҷрокунандаи вазифаи раиси шаҳр иттилоъ дода шуд, ки дар ҶДММ "Шоҳин-БМТ" барои истироҳати наврасон ва ҷавонон дар назди Маркази истироҳатӣ, Маркази солимгардонии наврасон ва ҷавонон “Шоҳин” ташкил карда шуда, оғози фаъолияти он бевосита аз ҷониби Сарвари давлат муҳтарам Эмомалӣ Раҳмон санаи 19 июни соли 2013 ифтитоҳ гардид.
Мақсади асосии ҶДММ “Шоҳин-БМТ” - истироҳатии фароғатии маишӣ барои кӯдакону наврасон буда, дар истироҳатгоҳ чорабиниҳои оммавӣ - фарҳангӣ, барномаҳои варзишӣ – солимгардонӣ ва мусобиқоти варзишӣ барои инкишофи зеҳниву ҷисмонӣ боис мегарданд. Дар мавзеи нотакрори ҶДММ “Шоҳин - БМТ” корти теннисӣ, майдонҳои футболбозӣ, волейболбозӣ, девори кӯҳнавардӣ, инчунин, толори муосир барои машғулияти фитнес, ҳавзҳхои кушоди хушнамо бо назардошти синну сол фаъолият мебаранд.
Бояд қайд намуд, ки самти асосии фаъолияти Урдугоҳи “ҶДММ Шоҳин – БМТ” ба солимгардонии кӯдакону наврасон равона гардидаст, ки ин яке аз ҳадафҳои асосии Ҳукумати Ҷумҳурии Тоҷикистон оид ба тарбияи насли наврас дар рӯҳияи ватандӯстӣ, хештаншиносӣ ва пешгирии ҷавонон аз шомилшавӣ ба ҳаргуна ҳаракатҳои бегонапарастӣ дар ҷомеъ равона гардидааст.
Иҷрокунандаи вазифаи раиси шаҳри Гулистон Раъно Ҳошимзода ба масъулини истироҳатгоҳ барои боз ҳам беҳтар намудани фаъолияти истироҳатгоҳ дастуру супоришҳои мушаххас дод.
