17 Июл 2022
Ҳамасола якшанбеи сеюми моҳи июл дар кишвар ҳамчун Рӯзи металлургҳо қайд карда мешавад. Имрӯз, якшанбеи сеюми моҳи июл Рӯзи металлургҳо дар ҶМТКММ “Апрелевка” таҷлил карда шуд.
Дар оғоз паёми шодбошии Раиси вилояти Суғд ба истиқболи Рӯзи меллургҳо манзур карда шуд. Зикр карда шуд, ки воқеан соҳаи металлургия дар рушди иқтисодӣ ва пешрафти хоҷагии халқи мамлакатнақши муҳимро доро мебошад.Тоҷикистон, ки кишвари кӯҳсор ва дорои сарватҳои фаровони зеризаминӣ мебошад, таъмини мустақилияти иқтисодӣ, инкишофи муваффақиятноки соҳаҳои иҷтимоӣ ва сатҳи баланди зиндагии аҳолии он бе рушду нумуи саноати коркарди маъданҳои кӯҳӣ аз имкон берун мебошад. Ин аст, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба тараққӣ ва ривоҷу равнақи соҳаи саноат, аз ҷумла металлургия диққату эътибори доимӣ зоҳир менамоянд.
Соҳаи металлургия дар иқтисодиёти вилоят ба соҳаи фоиданок ва аз лиҳози инвеститсионӣ ҷолиб табдил ёфта, кормандони соҳа ҷиҳати тақвияту густариши ниондиҳандаҳо софдилона меҳнат намуда истодаанд.
Директори генералии ҶМТКММ “Апрелевка” Бахтиёр Саидаҳмадзода низ кулли кормандонро ба ин муносибат таҳният гуфт.
Да ин рӯз барои кормандон дастархони идона ороста шуда, ба коргарони пешқадам 20 ҳазор сомонӣ маблағ ҷудо карда шуд.
Лозим ба зикр аст, ки ҶМТКММ “Апрелевка” яке аз корхонаҳои саноатии бузургтарин дар шаҳри Гулистон буда, дар таъмини истеҳсоли маҳсулоти саноатии шаҳру вилоят нақши арзанда дорад.
