04 Апрел 2023
Имрӯз, 04.04.2023 дар шаҳри Гулистон ба ифтихори гусели наваскарон ба Сафи Қувваҳои Мусаллаҳи Ҷумҳурии Тоҷикистон роҳпаймоӣ баргузор карда шуд.
Дар чорабинии идона ҷавонони муассисаҳои таълимӣ, донишҷӯёни коллеҷи тиббӣ, сарбозони қисми ҳарбии 45025-и Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд ва даъватшавандагон иштирок намуданд.
Роҳпаймочиён бо шиору овезаҳо аз назди Майдони Парчами давлатии шаҳр то ба назди Майдони Нишони давлатии Ҷумҳурии Тоҷикистон дар шаҳр роҳпаймоӣ намуданд.
Роҳпаймочиёнро санъаткорон бо садои карнаю сурнаю доира ва сокинон бо кафкубӣ истиқбол намуданд.
Сипас, дар назди Майдони Нишони давлатии Ҷумҳурии Тоҷикистон дар шаҳр чорабинии тантанавии гусели наваскарон оғоз гардид.
