08 Май 2024
Бо дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба беморхонаи марказии шаҳри Гулистон дастгоҳи рентгении рақамии тамғаи Diamond-8A бо принтер, стабилизатор ва лавозимотҳои рентгенӣ тақдим карда шуд.
Ҳуҷраи махсус барои насби дастгоҳ бо дастгирии мақомоти иҷроияи ҳокимияти давлатии шаҳр омода гардида, дастгоҳ насб карда шуд.
Имрӯз, 08.05.2024 Раиси шаҳри Гулистон Раъно Ҳошимзода ба беморхонаи марказии шаҳр ташриф оварда, бо фаъолияти дастгоҳ шинос гардид. Аҳли кормандони беморхонаи марказии шаҳр ҷиҳати дастгирии мақомоти иҷроияи ҳокимияти давлатии шаҳр ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барои тақдими дастгоҳи рентгении рақамии тамғаи Diamond-8A бо принтер, стабилизатор ва лавозимотҳои рентгенӣ изҳори сипос намуданд.
Лозим ба зикр аст, ки беморхонаи марказии шаҳрак то ин замон аз мавҷуд набудани чунин дастгоҳ танқисӣ мекашид ва бо дастрас шудани дастгоҳи мазкур сокинони шаҳр аз он истифода хоҳанд бурд.
Мақомоти иҷроияи ҳокимияти давлатии шаҳр ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ҷиҳати дастгирӣ ва тақдими дастгоҳи рентгенӣ рақамӣ изҳори сипос менамояд.
