16 Август 2024
Дӯстони азиз!
Наҷотдиҳандагони ҷону моли инсоният!
Боиси хушнудист, ки имсол таҷлили 30-солагии таъсисёбии Кумитаи ҳолатҳои фавқулода ва мудофиаи граждании ҷумҳурӣ ба 30-солагии қабули Конститутсияи Ҷумҳурии Тоҷикистон рост омада истодааст. Ба ин муносибат Мақомоти иҷроияи ҳокимияти давлатии шаҳри Гулистон ҳамаи кормандони соҳаи ин хизматрасониро самимона табрик гуфта, ба онҳо дар кори масъулиятнок, заҳматталаб ва ҳамзамон бошарафашон барору комёбӣ таманно менамояд.
Кумитаи ҳолатҳои фавқулода ва мудофиаи гражданӣ замоне таъсис ёфт, ки Ҷумҳурии Тоҷикистон дар фазои истиқлолият парвоз мекард. Инак, дар тӯли ин қадар сол базаи кадрию техникии ин соҳа мустаҳкам гардида, имкон медихад, ки талафотҳо ва талафоти молиявӣ кам карда шавад. Кормандони ситоди ҳолатҳои фавқулода ва мудофиаи граждании шаҳри Гулистон шахсоне мебошанд, ки ба мардуми ниёзманд ва дармонда дасти ёрӣ дароз намуда, онҳоро аз ҳар гуна офат ва ҳолатҳои фавқулода наҷот медиҳанд. Бесабаб нест, ки дар солхои охир боварии халк ба коркунони ин соҳа афзуда аст ва сабаби оромии мардум низ гашта аст.
Тамоми кормандони ин соҳа тайёранд, ки одамон ва молу мулки онхоро сарфи назар аз вазъият наҷот диҳанд. Онҳо омодаанд, ки амнияти одамонро таъмин кунанд ва дар лаҳзаҳои зарурӣ ҷони худро зери хатар мегузоранд, то ҷони дигаронро наҷот диҳанд.
Итминон дошта бошед, ки кормандони Ҳолатҳои фавқулодда ва мудофиаи граждании шаҳри Гулистон минбаъд низ рисолати муҳими худро нигоҳ дошта, барои пешгирии ҳодисаҳои фавқулода ва кам кардани талафот кӯшиш ба харҷ дода, бо ҳисси масъулиятшиносӣ, ватандӯстӣ ва ҳисси баланди хештаншиносӣ тамоми ӯҳдадориҳоро бо сарбаландӣ иҷро мекунанд.
Бори дигар ҳамаи кормандони ин соҳаро ба муносибати иди касбиашон табрик гуфта, дар ин вазифаи хатарнок ва ҳамзамон шуҷоъ барору комёбӣ, барори кор ва хонаободӣ таманно дорам. Бигзор осмони Тоҷикистони азиз ҳамеша софу беғубор бошад, қалби мардум пур аз шодӣ бошад ва аз ҳолатҳои фавқулода эмин бошанд.
Иди касбӣ муборак, дӯстони азиз!
