22 Март 2025
Имрӯз, 22.03.2025 дар шаҳри Гулистон Ҷашни Наврӯзи байналмилал бо шукуҳу шаҳомати хоса таҷлил карда шуд. Дар тантанаҳои наврӯзӣ дар шаҳр намояндаи Ҳукумати Ҷумҳурии Тоҷикистон, роҳбари гурӯҳи корӣ бахшида ба 35-солагии Истиқлоли давлатӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода, муовини Раиси вилояти Суғд Зайнура Азимӣ, иҷрокунандаи вазифаи Раиси шаҳри Гулистон Илҳом Пӯлотзода ва роҳбарони мақомотҳои ҳифзи ҳуқуқ ва дигар сохторҳо иштирок доштанд. Ҳамчунин, меҳмонон аз кишварҳои Эрон, Руссия, Беллоруссия ва Ӯзбекистон ва оммаи васеи сокинони шаҳр ба тамошои тантанаҳои идонаи наврӯзи шаҳрӣ омада буданд.
Меҳмононро санъаткорони бахши фарҳанги шаҳр бо навои карнаю сурнай дар ҷашнгоҳ пешвоз гирифтанд. Хонандагони муассисаҳои таълимӣ бо қироати шеърҳо дар васфи Наврӯз меҳмононро ба ҷашнгоҳ хайрамақдам гуфтанд.
Таълимгирандагони МД “Маркази таҳсилоти иловагии шаҳри Гулистон” навъҳои гуногуни бозиҳои миллиро ба намоиш гузоштанд.
Сипас, баҳри тақвияти дӯсти миёни халқҳо намунаи расму оини ҷашнгирии Наврӯзи тоҷикон, ӯзбекон ва қирғизон ба меҳмонон муаррифӣ карда шуд.
Дар идома меҳмонон аз аз хаймаҳои наврӯзии ҷамоати шаҳракҳо, ки муаррифигари расму оини суғдӣ, хатлонӣ, бадахшонӣ, зарафшонӣ будан дидан карда, доир ба ин ё он хусусияти хоси анъанаҳои наврӯзӣ бо сокинон ҳамсуҳбат гардиданд.
Ҳамчунин, аз хаймаҳои оростаи соҳаҳои маориф, тандурустӣ, осоишгоҳҳо, коллеҷи тиббӣ, корхонаҳҳои саноатӣ дидан намуданд.
Дар гӯшае аз ҷашнгоҳ занони фаъол шоҳтаоми Наврӯз – суманак омода менамуданд ва ошпази моҳири шаҳр оши палов.
Ҳамзамон, дар идома меҳмонон аз навъҳои гуногуни бозиҳои варзишӣ аз қабилӣ гӯштингирӣ, шоҳмот, бокс, футбол, волейбол ва бандкашӣ, ки аз ҷониби таълимгирандагони мактаби варзишии шаҳр пешниҳод гардид дидан намуданд.
Намояндаи Ҳукумати Ҷумҳурии Тоҷикистон, роҳбари гурӯҳи корӣ бахшида ба 35-солагии Истиқлоли давлатӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода, муовини Раиси вилояти Суғд Зайнура Азимӣ ва иҷрокунандаи вазифаи Раиси шаҳри Гулистон Илҳом Пӯлотзода зимни боздид аз ҷашнгоҳ ба ҳунару маҳорати иштирокчиёни чорабинии наврӯзӣ баҳои баланд доданд.
