16 Июн 2025
Имрӯз, 16.06.2025 дар толори хурди Мақомоти иҷроияи ҳокимияти давлатии шаҳри Гулистон сартабиби тозатаъини беморхонаи марказии шаҳр муаррифӣ гардид.
Маросими муаррифиро муовини Раиси шаҳр, сарпарасти соҳа Муслимахон Ҷамолиён оғоз намуда, зикр намуд, ки дар соҳаи роҳбарикунандаи беморхонаи маркази шаҳр тағйироти кадрӣ ба амал омад ва фармоиши вазири тандурустӣ ва ҳифзи иҷтимоии аҳолии Ҷумҳурии Тоҷикистонро ба самъи иштирокдорон расонид.
Зикр карда шуд, ки бо пешниҳоди Раиси шаҳр ва фармоиши вазири тандурустӣ ва ҳифзи иҷтитмоии аҳолии Ҷумҳурии Тоҷикистон аз 16.06.2025, №80 Азимов Фирдавс Рашидович ба вазифаи сартабиби Беморхонаи марказии шаҳри Гулистон таъин карда шуд.
Сипас, Меҳрубон Қаҳҳорзода бо рӯзгор ва фаъолияти меҳнатии Фирдавс Азимов шинос намуд. Таъкид гардид, ки ӯ табиби ҷарроҳ, ботаҷриба, Аълочии тандурустии Ҷумҳурии Тоҷикистон мебошад. Соли 2009 Донишгоҳи давлатии тиббии Тоҷикистон ба номи Абӯалӣ ибни Синоро хатм намуда, аз соли 2010 то инҷониб дар беморхонаи марказии ноҳияи Бобоҷон Ғафуров ва беморхонаи ноҳиявии №1-и ҷамоати Хистеварзи ноҳияи мазкур дар вазифаҳои гуногун фаъолияти меҳнатӣ доштааст.
Муслимахон Ҷамолиён муовини Раиси шаҳр ба собиқ сартабиби беморхонаи марказии шаҳр Иброҳим Иброҳимов барои фаъолияти босамари меҳнатӣ дар тули солҳои роҳбарӣ изҳори сипос намуда, ба сартабиби тозатаъин барори кору муваффақият орзу намуд.
