22 Август 2025
Тибқи барқияи ҳукуматӣ 22-юми августи соли 2025 бо мақсади иҷрои дастуру супоришҳои Асосгузори сулҳу ваҳдати милӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар маҷлиси Ҳукумати Ҷумҳурии Тоҷикистон 31-уми июли соли 2025 баён доштанд муовини роҳбари гурӯҳи корӣ доир ба Ҷашни 35-солагии Истиқлоли давлатии Ҷумҳурии Тоҷикистон, сардори Раёсати Агентии таъминоти амволи махсуси назди Ҳукумати Ҷумҳурии Тоҷикистон дар вилояти Суғд, полковник Иззатулло Убайдзода аз ҷараёни корҳои бунёдкорӣ ба истиқболи Ҷашни 35-солагии Истиқлоли давлатӣ аз рафти корҳои бунёдкории ҶДММ “Тиглат” дидан намуд.
Иттилоъ дода шуд, ки ҶДММ «Тиглат» яке аз корхонаҳои нави саноатӣ буда, дар он истеҳсоли рангҳои сохтмонӣ ва хокаҳои ороишиву пардоздиҳӣ ба роҳ монда мешавад. Айни замон сохтмони биноҳои ёрирасон ва васлу насби дастгоҳҳо идома дошта, пас аз ба кор даромадани коргоҳ то 70 нафар сокинони маҳаллӣ бо ҷои кори доимӣ таъмин мегарданд.
Ҳамчунин, аз ҷараёни корҳои сохтмонӣ ва омодабошии иншооти ҷашнӣ “Сехи истеҳсоли трансфарматорҳо” дидан карда шуд.
Тибқи нақша дар шаҳр то ҷамъбасти 35-солагии Истиқлоли давлатӣ 280 иншоот бояд ба истифода дода шавад, ки то имрӯз 210 адади он ба истифода дода шудааст, ки 75,0%-и нақшаро фаро мегирад.
Дар самти амалисозии нақшаи иншооти ҷашнӣ дар шаҳри Гулистон тибқи нақша корҳои ободониву бунёдкорӣ бо маром ҷараён доранд.
