28 Август 2025
26 августи соли 2025 дар толори МД Маркази таҳсилоти иловагии шаҳри Гулистон” Шурои соҳаи маорифи шаҳр бо иштироки кормандони шуъба, директорони муассисаҳои таҳсилоти миёнаи умумӣ ва мудирони муассисаҳои давлатии таълимии томактабӣ баргузор карда шуд.
Дар кори Шуро муовини Раиси шаҳр Муслимахон Ҷамолиён ва мудири шуъбаи маорифи шаҳр Дилрабо Каримӣ иштирок доштанд.
Тибқи Рӯзномаи Шуро 4 масъала мавриди баррасӣ қарор дода шуд: рафти иҷрои “Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025”, «Барномаи давлатии дарёфт ва рушди истеъдодҳо» ва масъалаҳои ҷорӣ.
Доир ба масъалаи якуми рӯзномаи шуро мушовири кабинети методии шуъбаи маориф дар самти муассисаҳои томактабӣ Сабоҳат Мамадҷонова гузориш манзур намуд. Зикр карда шуд, ки теъдоди муассисаҳои томактабӣ дар шаҳри Гулистон 11 ададро ташкил медиҳад. Аз ҷумла 1 адад кӯдакистони хусусӣ ва 10 адад кӯдакистонҳои давлатӣ. Шуморам умумии кӯдакони ба муассисаҳои томактабӣ фарогирифта 1948/913 нафар мебошад. Дар муассисаҳои таҳсилоти томактабии шаҳр 323 нафар кормандон кору фаъолият менамоянд, ки аз онҳо 79 нафарашонро мураббиёни ихтисосманд ташкил медиҳанд. Мураббиён сари вақт ба курсҳои бозомӯзӣ ва такмили ихтисос барои баланд бардоштани маҳорати педагогиву эҷодӣ сафарбар карда мешаванд.
Доир ба талаботи қарори мушовараи Вазири маориф ва илми Ҷумҳурии Тоҷикистон аз 15-уми январи соли 2010, №27 дар 13 муассисаҳои таҳсилоти миёнаи умумии шаҳри Гулистон «Марказҳои инкишофи кӯдак» таъсис дода шудааст. Айни замон дар 16 гурӯҳи амалкунанда 325/164 нафар тарбиятгирандагон фаро гирифта шуда, омӯзгорон бо маълумоти олӣ 7 нафар, миёнаи касбӣ 5 нафар, донишҷӯ 3 нафар ва як нафар бо маълумоти миёна ба онҳо таълиму тарбия дода истодаанд. Масъулини соҳаи маорифи шаҳр ҷиҳати иҷрои нақшаи чорабиниҳои “Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025” тадбирҳои зарурӣ андешида истодаанд.
Доир ба масъалаи дуюми рӯзномаи Шуро Гулнора Ҳайдарова директори Маркази дарёфт ва рушди истеъдодҳои назди шуъбаи маорифи шаҳр гузориш манзур намуд. Иттилоъ дода шуд, ки натиҷаи амалигардонии нақшаи чорабиниҳои Барнома буд, ки соли таҳсили 2024-2025 дар даври ҷумҳуриявии Олимпиадаи фаннии хонандагон миёни хонандагони синфҳои 5-11 таълимгирандагони муассисаҳои таълимии шаҳр соҳиби 8 медали биринҷӣ ва 1 медали нуқра гардиданд, ки нисбати соли гузашта ба маротиб зиёд мебошад.
Сипас масоили ҷории шуъба мавриди баррасӣ қарор гирифт.
Муовини Раиси шаҳр Муслимахон Ҷамолиён ба масъулин барои пурра амалигардонидани нақшаи чорабиниҳои “Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025”, «Барномаи давлатии дарёфт ва рушди истеъдодҳо», ба даст овардани дастовардҳои бештар, пешгирии ҷинояткорӣ дар байни хонандагон, омодагии ҳамаҷониба ба оғози соли нави хониш, босифат ба роҳ мондани таълим, ба даст овардани натиҷаҳо вазифаҳои мушаххас гузошт.
