27 Октябр 2025
Санаи 26-уми октябри соли 2025 бо ташаббуси маъмурият ва ҷомеаи меҳнатии Муассисаи давлатии Маркази таҳсилоти иловагии шаҳри Гулистон дар доираи таҷлили Ҷашни Меҳргон озмуни «тирамоҳи заррин» баргузор гардид.
Аз ҷараёни озмун муовини Раиси шаҳри Гулистон Муслимахон Ҷамолиён дидан намуд.
Озмуни мазкур баҳри баланд бардоштани ҳисси меҳнатдӯстӣ, маърифати экологӣ, зебоиписандӣ ва шукргузорӣ аз неъматҳои фаровону табии Ватан дар тинати хонандагон роҳандозӣ гардида, дар 3 бахш гузаронида шуд.
Дар бахши аввал ташкили намоишгоҳ аз маҳсулоти табиӣ, дар бахши дуюм ҳимояи рисолаву реферати мактабӣ ва дар бахши 3-юм расми баҳтарин пешкаши иштирокдорон гардонида шуд.
Дар идомаи чорабинии мазкур хонандагони болаёқати муассисаҳои таҳсилоти миёнаи умумии шаҳр дар васфи Ватан, модар, тирамоҳ, табиат ва неъматҳои он, тасвири манзараҳои гуногуни фасли тирамоҳ шеъру гуфторҳои пурҳикмат қироат намуданд.
Дар охири чорабинӣ ба иштирокчиёнаи фаъол туҳфаҳои хотиравӣ ва сипоснома тақдим карда шуд.
