05 Ноябр 2025
Санаи 03-юми ноябри соли равон дар бинои Муассисаи давлатии Маркази таҳсилоти иловагии шаҳри Гулистон аз тарафи Вазорати Агентии меҳнат ва шуғли аҳолӣ дар шаҳри Гулистон ва ФМД “Маркази рушди ҳунармандӣ ва малакаҳои касбии муосир”- дар шаҳри Гулистон, дар асоси мактуби Вазорати меҳнат, муҳоҷират ва шуғли аҳолии Ҷумҳурии Тоҷикистон аз 03- уми сентябри соли 2025, №1/14-1240 дар доираи Барномаи касбомӯзии Ҷумҳурии Тоҷикистон ва барномаи рушди ҳунармандӣ барои соли 2021-2025 семинар – машварат баргузор гардид.
Дар семинар намоянда аз Вазорати Агентии меҳнат ва шуғли аҳолии Ҷумҳурии Тоҷикистон Меҳроҷиддин Давлатов ва Пириев Гулмат, муовини Раиси шаҳри Гулистон Ҷамолиён Муслимахон иштирок намуданд.
Зикр гардид, ки ҳунармандон метавонанд аз як қатор имкониятҳои пешниҳодшуда аз қабили – грантҳои Президенти Ҷумҳурии Тоҷикистон, ки бевосита бо дастгирии Вазорати Агентии меҳнат ва шуғли аҳолӣ, Кумитаи кор бо занон ва оилаи назди Ҳукумати Ҷумҳурии Тоҷикистон ба роҳ монда шудааст, ки барои рушди соҳаи ҳунармандӣ саҳмгузор мебошад, истифода баранд. Нақши ҳунармандон дар рушди иқтисодию фарҳангии кишвар назаррас аст, зеро онҳо бо маҳсулоти дастии худ на танҳо анъанаҳои миллӣ ва арзишҳои фарҳангиро ҳифз мекунад, балки ба рушди бозори меҳнат низ саҳм мегузоранд.
Дар интиҳо саволу ҷавоб байни иштирокдорон сурат гирифта, мубодилаи муфиди афкор ба вуқӯъ пайваст.
