02 Май 2026
Бегоҳии 1-уми майи соли 2026, дар майдони Парчами давлатии Ҷумҳурии Тоҷикистон дар шаҳри Гулистон бахшида ба истиқболи сазовори моҳвораи Рӯзи ҷавонони Тоҷикистон ва ҷашни 35 - солагии Истиқлоли давлатӣ чорабинии фарҳангӣ-фароғатии шоми ҷавонӣ таҳти унвони "Мо, ҷавонони Ватан созандаем" бо иштироки ҷавонони касбу кори гуногун доир гардид.
Дар чорабинии мазкур муовини раиси шаҳр Шарифҷони Саидраҳмон, мудири бахши кор бо ҷавонон ва варзиши шаҳри Гулистон Аҳлиддин Абдураҳмонов ва намояндаи шуъбаи маориф Ҳайдаров Алишер иштирок намуданд.
Зимни оғози барномаи мазкур номаи табрикотии раиси шаҳри Гулистон Илҳом Пӯлотзода аз ҷониби муовини раиси шаҳр Шарифҷони Саидраҳмон манзури тамошобинон гардонида шуд.
Баҳри ҳифзи арзишҳои миллӣ, эҳтиром ва арҷгузорӣ ба анъанаҳои неки ниёгон, ҳифзу ҳимояи Ватан, аз даст надодани зиракии сиёсии ҷавонон мудири бахши кор бо ҷавонон ва варзиши шаҳри Гулистон Аҳлиддин Абдураҳмонов сухан ронд.
Баъдан баҳри болидахотирии сокинон ва ҷавонон аз ҷониби санъаткорони бахши фарҳанг, барномаи рангини фарҳангӣ пешкаши тамошобинон гардонида шуд.
