Мусовии "Гулистон" дар сафар

Дар доираи даври сездаҳуми Чемпионати Тоҷикистон оид ба футбол байни дастаҳои Лигаи якуми кишвар санаи 20.08.2022 дастаи "Душанбе"-и шаҳри Душанбе дар майдони худ дастаи "Гулистон"-и шаҳри Гулистонро қабул намуд.

Бозигарони ҳарду даста бозии хуб нишон доданд. Натиҷаи бозӣ мусовӣ 1-1 ба охир расид.

Дар даври чаҳордаҳуми Чемпионат дастаи "Гулистон" дар майдони худ дастаи "Панҷшер"-и ноҳияи Ҷалолиддини Балхиро қабул менамояд.

Пешвои миллат Эмомалӣ Раҳмон дар мақомоти суд, прокуратура ва сохторҳои қудратии кишвар таъйиноти кадрӣ ба амал оварданд

19 август Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Қасри миллат кадрҳоеро, ки ба вазифаҳои пурмасъул дар мақомоти суд, прокуратура ва сохторҳои қудратии кишвар таъйин гардиданд, барои суҳбат ба ҳузур пазируфтанд.

Бо фармонҳои Президенти Ҷумҳурии Тоҷикистон дар мақомоти Суди Олӣ, Прокуратураи генералӣ, Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон, Вазорати мудофиа, Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва дигар сохторҳои қудратӣ кормандони ҷавону ботаҷриба ва корозмуда ба вазифаҳои масъулиятнок таъйин шуданд.

Зимни мулоқот Президенти мамлакат муҳтарам Эмомалӣ Раҳмон дар робита ба вазъи зудтағйирёбандаи ҷаҳон ва авзои минтақа, таъмини волоияти қонун, мубориза бар зидди ҳама гуна қонуншиканиҳо ва дигар ҷиноятҳои фаромиллӣ бо таҳлилу мисолҳо ибрози назар намуда, супоришҳои мушаххас доданд.

ТАҶЛИЛИ РӮЗИ КОРМАНДОНИ СОҲАИ ТАНДУРУСТӢ

18 августи соли 2022 дар толори кохи Истиқлоли шаҳри Гулистон  бахшида ба Рӯзи кормандони соҳаи тандурустӣ чорабинии идона баргузор гардид.

Нахуст муовини раиси шаҳри Гулистон Оқилзода Ғайрат номаи табрикотии Раиси шаҳрро ба кулли кормандони соҳаи тандурустӣ расонид ба ифтихори иди касбиашон, ки ҳамасола ба рӯзи 18-уми август, яъне санаи таваллуди асосгузори тибби ҷаҳон, нобиғаи оламшумур, олим, файласуф, донишманд Абӯалӣ ибни Сино рост меояд, сидқан табрику муборакбод гуфта, бароятон саодату зафармандӣ ва дар амри сиҳатбахшии аҳолӣ ва таъмини солимии миллат муваффақиятҳои беназирро таманно намуд.

Қайд намуд,  ки иди касбии кормандони соҳаи тиб бо мавлуди олими номвари тоҷик, алломаи машриқзамин Абӯалӣ ибни Сино, ки осори гаронбаҳояш ҳамчун ганҷинаи бебаҳои илм барои пешрафти соҳаи тандурустии тамоми олам хизмат мекунад, алоқамандии бевосита дорад. Чунонки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид менамоянд, “мардуми куҳанбунёди тоҷик мисли Абӯалӣ ибни Сино, Абӯбакр Закариёи Розӣ садҳо донишмандонеро ба воя расонидаанд, ки осори онҳо то ба имрӯз аҳаммияти худро гум накарда, барои башарият ҳамчун раҳнамои тиббӣ хизмат менамоянд”.

Пешвои миллат Эмомалӣ Раҳмон дар сохтори Вазорати корҳои дохилӣ таъйиноти кадрӣ ба амал оварданд

17 август Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳоеро, ки ба вазифаҳои пурмасъули Вазорати корҳои дохилӣ таъйин гардиданд, ба ҳузур пазируфтанд.

Бо қарорҳои Ҳукумати Ҷумҳурии Тоҷикистон ва дар мувофиқа бо Президенти Ҷумҳурии Тоҷикистон муовинони Вазири корҳои дохилии Ҷумҳурии Тоҷикистон, сардорони раёсатҳои Вазорати корҳои дохилӣ, Сардори Раёсати Бозрасии давлатии автомобилии Вазорати корҳои дохилӣ, сардорони шуъбаҳои корҳои дохилии ноҳияҳои Восеъ, Сангвор, Мурғоб ва Варзоб аз ҳисоби кадрҳои соҳибтаҷрибаву тахассусманд таъйин гардиданд.