Президенти Ҷумҳурии Тоҷикистон Эмомалӣ Раҳмон роҳбарони ҳайатҳо — иштирокчиёни ҷаласаи Кумитаи котибони шӯроҳои амнияти кишварҳои аъзои СААД-ро ба ҳузур пазируфтанд

29 апрел дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарони ҳайатҳо — иштирокчиёни ҷаласаи Кумитаи котибони шӯроҳои амнияти кишварҳои аъзои Созмони Аҳдномаи амнияти дастаҷамъиро ба ҳузур пазируфтанд.

Сарвари давлат муҳтарам Эмомалӣ Раҳмон дар оғози суҳбат таъкид доштанд, ки мо ба ҳамкории байни кишварҳоямон дар доираи Созмони Аҳдномаи амнияти дастаҷамъӣ аҳамияти аввалиндараҷа медиҳем ва пайванди муҳими талошҳои муштараки мо барои расидан ба ҳадафҳо фаъолияти пурсамари котибони Шӯроҳои Амният мебошад.

Дар робита ба вазъи мураккаби ҷомеаи ҷаҳонӣ, шиддат гирифтани таҳдиду хатарҳои муосир ва таъсири онҳо ба амнияти давлатҳои аъзои СААД, афзоиши ташаннуҷи байналмилалӣ вобаста ба рақобати геополитикӣ ва дигар омилҳои халалдоркунандаи амну суботи кишварҳо, Президенти мамлакат муҳтарам Эмомалӣ Раҳмон зарурати таҳкиму тавсеаи ҳамкориҳоро дар доираи Созмон, ки ҷониби Тоҷикистон соли равон раёсати онро ба ӯҳда дорад, ишора карданд. Дар ин зимн, ҳамчунин, вазъияти имрӯзаи кишвари ба мо ҳамсояи Афғонистон мавриди баррасӣ қарор дошт.

РАСОНИДАНИ КУМАКИ РАМАЗОНӢ

Дар пайравӣ аз иқдомҳои халқпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рӯзҳои рамазонӣ ба оилаҳои камбизоате, ки 135 нафарро дар ҷамоати шаҳраки Сирдаёи шаҳри Гулистон ташкил медиҳанд, кумаки яквақтаина расонида шуд.

Нуринисо Комилзода, муовини якуми Раиси шаҳр аз номи мақомоти иҷроияи ҳокимияти давлатии шаҳри Гулистон ба оилаҳои камбизоат маводи хӯрока тақдим намуд.

Шаҳрвандон шукронаи диёри хеш, сулҳу ваҳдати миллӣ, Истиқлолияти давлатӣ намуда, ба Пешвои муаззами миллат муҳтарам Эмомалӣ Раҳмон барои дастгирӣ ва сиёсати халқпарварона арзи сипос намуданд.

Ҳамчунин, Саодат Пӯлотова собиқадори меҳнат бо маводи ғизоиву кумакпулии яквақтаина аёдат карда шуд.

ҶУСТУҶЎ ВА ТАЪМИН БО КОР

Санаи 27 апрели соли 2021 дар майдони Парчами давлатии Ҷумҳурии Тоҷикистони шаҳри Гулистон ярмаркаи ҷойҳои кории холӣ ва вазифаҳои озод баргузор гардид.

Баргузории чорабинии мазкур дар асоси дастури Ҳукумати кишвар, тибқи нақшаи пешбининамудаи шуъбаи Агентии меҳнат ва шуғли аҳолӣ дар шаҳр, ҷиҳати ба шуғл таъмин намудани сокинони бешуғли шаҳр, бахусус занону духтарон роҳандозӣ гардид.

Тибқи иттиллои сармутахассиси шуъбаи Агентии меҳнат ва шуғли аҳолӣ дар шаҳр Маҳфузахон Сатторова, вазъи бозори меҳнат дар шаҳр омӯхтаву таҳлилу баррасӣ гардида, бо дастгирии мақомоти иҷроияи ҳокимияти давлатии шаҳри Гулистон ҷойҳои нави корӣ таъсис дода шуданд.  М.Сатторова зикр дошт, ки  ба ярмарка шумораи ҷойҳои корӣ бисёртар ба қайдгирифта  шуданд, ки шумораи онҳо ба 131 адад расида, аз тарафи 12  корхонаҳои саноатии шаҳр дар мисоли ҶДММ “Ширкати кӯҳӣ-саноатии Тољикистону Хитой”, соҳаи тандурустӣ, хоҷагии манзилию коммуналӣ  ба 12 нафар роҳҳат ба кор дода шуд, ки тавассути ин чорабинӣ он корҷӯяндагоне, ки муроҷиат намуданд, мувофики завқашон ба ҷои кори писандидаашон роҳхат гирифтанд.

ИСТИҚЛОЛУ ВАҲДАТ ПОЯНДА БОД!

Дар толори муассисаи таҳсилоти миёнаи умумии №2-и ҷамоати шаҳраки Чоруқдаррони шаҳри Гулистон тибқи нақшаи тасдиқнамудаи Раиси вилояти Суғд Раҷаббой Аҳмадзода оид ба баргузории вохӯриву мулоқоти ҳайати таблиғотии Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон дар мавзӯъҳои “Истиқлолу Ваҳдат поянда бод” ва “Экстремизму терроризмро маҳкум мекунем” вохӯрии судманд баргузор гардид.

Дар вохӯрӣ ҳайати таблиғотчиёни Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон дар вилояти Суғд Амнҷон Шарифзода муовини якуми раиси ҲХДТ дар вилояти Суғд, Саидбой Зокиров раиси шӯрои собиқадорони ҲХДТ дар вилояти Суғд, тарғиботчиёни маҳаллӣ, фаъолони ҷамоати шаҳрак ва омӯзгорону хонандагони МТМУ №2-и ҷамоати шаҳрак иштирок намуданд.

Вохӯриро мудири бахши кор бо ҷавонон ва варзиши шаҳр Аҳлиддин Абдураҳмонов оғоз бахшида меҳмононро ба ҷамоати шаҳраки Чоруқдаррон хуш омадед гуфт. Доир ба мавзӯъҳои зикргардида  Амнҷон Шарифзода, Саидбой Зокиров, Аҳлиддин Абдураҳмонов ва Фаридуншоҳ Абдуллоев маърӯза намуданд.