ФЕСТИВАЛ - ОЗМУНИ «САД РАНГИ ЧАКАН»

Дар кохи фарҳангии “Истиқлол”-и шаҳри Гулистон даври шаҳрии фестивал озмуни «Сад ранги чакан» баргузор гардид.

Фестивал озмуни мазкур бо мақсади баланд бардоштани эҳсоси ватандӯстиву хештаншиносӣ, ифтихори миллӣ, арҷ гузоштан ба таъриху тамаддун, фарҳанг, расму ойинҳои миллию мардумӣ ва муаррифии санъати ҳунари волои халқи тоҷик баргузор гардид. Баланд бардоштани тақвияти муаррифии сару либоси миллӣ, аз қабили чакандӯзӣ, атласу адрасбофӣ, дӯхтани тоқиву ҷузвдонҳо ва дигар намуди чеварӣ ҳадафи дигари фестивал буд.

Барқияи изҳори тасаллии Президенти Ҷумҳурии Тоҷикистон Эмомалӣ Раҳмон ба Президенти Туркманистон Гурбонгули Бердимуҳамедов

Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Туркманистон Гурбонгули Бердимуҳамедов барқияи изҳори тасаллӣ ирсол намуданд, ки дар он омадааст:

«Муҳтарам Гурбангули Мяликгулиевич,

Хабари даргузашти падари соҳибэҳтироми Шумо — Мяликгули Бердимуҳамедов боиси андӯҳи амиқи мо гардид.

Дар иртибот ба ин талафоти гарон хоҳишмандам изҳори тасаллӣ ва таъзияи самимии ин ҷонибро қабул фаромед. Дар ин рӯзҳои вазнин ба Шумо ва пайвандону наздикони Шумо матонати рӯҳӣ ва сабри ҷамил хоҳонам».

РӮЗИ МУДОФИАИ ГРАЖДАНӢ ДАР ҶАМОАТИ ШАҲРАКИ АДРАСМОН

Тибқи нақша чорабиниҳои Мақомоти иҷроияи ҳокимияти давлатии вилояти Суғд ва Мақомоти иҷроияи ҳокимияти давлатии шаҳри Гулистон  оид ба масълаҳои мудофиаи гражданӣ, пешгирӣ, эътино ва рафъи оқибатҳои ҳолтҳои фавқулода барои соли 2021 ва фармони сардори мудофиаи гражданӣ-Раиси шаҳр №2 аз 9-уми  апрели соли 2021 санаи 19-уми апрели соли ҷорӣ дар муассисаи таҳсилоти миёнаи умумии №7-и ҷамоати шаҳраки Адрасмони шаҳри Гулистон «Рӯзи мудофиаи гражданӣ»-и намунавӣ ташкил ва гузарониданида шуд.

Дар чорабинии мазкур 700 нафар хонандагон 80 нафар омӯзгорон директорон, омӯзгорони омодагии дифои ҳарбии муассисаҳои таҳсилоти миёнаи умумии шаҳр ва ҷамоати шаҳракҳо, намояндаи Раёсати Кумитаи ҳолатҳои фавқулода ва мудофиаи граждании вилояти Суғд, раиси ҷамоати шаҳрак ва намояндагони шуъбаи маорифи шаҳр иштирок намуданд. Ибтидо дар саҳни муассиса чорабиниро ифтитоҳ бахшида шуд. Сипас дарсҳои кушод дар синфҳои 2-6 дар мавзӯъҳои ҳолатҳои фавқулода ва мудофиаи гражданӣ, ёрии аввалияи тиббӣ ҳангоми рух додани ҳолатҳои фавқулода, озмуни расми беҳтарин оид ба ҳолатҳои фавқулода, усулҳои муҳофизати хонандагон аз оқибатҳои ҳолатҳои фавқулода ва дар байни синфҳои 6 викторина доир ба мудофиаи гражданӣ ва ҳолатҳои фавқулода гузаронида шуд. Баъдан бонги хатар садо дод ва хонандагон бо риояи дурусти амалҳо ба ҷойҳои бехавфи саҳни муассиса баромаданд.

ҶАМЪБАСТИ СЕМОҲА: ТАҲЛИЛ ВА ТАРҲРЕЗИИ ДУРНАМО

Дар толори калони мақомоти иҷроияи ҳокимияти давлатии шаҳр таҳти раёсати Раиси шаҳри Гулистон Бахтиёр Саидаҳмадзода ҷаласаи фаъолони шаҳр доир ба натиҷаҳои фаъолияти соҳаҳои хоҷагии халқи шаҳр дар давоми се моҳи аввали соли 2021 бо иштироки муовин ва иҷрокунандаи вазифаи роҳбари дастгоҳи Раиси шаҳр, мудирони шуъбаҳо ва бахшҳои мақомоти иҷроияи ҳокимияти давлатии шаҳр, роҳбарони воҳидҳои сохтории шаҳр, роҳбарони мақомоти ҳифзи ҳуқуқ, молия, нозироти андоз, роҳбарони корхона, ташкилоту муассисаҳо, раисони ҷамоати шаҳракҳо, раисони маҳаллаҳо, намояндагони соҳаҳои маориф, тандурустӣ, имомхатибон ва дигар фаъолон доир гардид.

Роҷеъ ба фаъолияти соҳаҳои хоҷагии халқи шаҳр дар давоми семоҳаи аввали соли равон муовини Раиси шаҳр Ғайрат Оқилзода маърӯза намуд. Зикр гардид, ки дар давоми cемоҳаи аввал ба қисми даромади буҷети давлатӣ  53,6 миллион сомонӣ маблағҳои андозу пардохтҳо ворид гашт, ки он баробар ба 105,0 фоизи нақшаи пешбинишуда буда, ба буҷет 2,5 миллион сомонӣ аз нақша зиёд маблағ ворид гардид.

Корхонаҳои саноатии шаҳр дар давоми семоҳа ба маблағи 1,1 миллиард сомонӣ маҳсулот истеҳсол намуданд.