Ба сохтмони бинои маъмурии Кумитаи иҷроияи ҲХДТ дар шаҳри Гулистон санги асос гузошта шуд

Дар доираи корҳои созандагӣ ба истиқболи 30-солагии Истиқлолияти давлатии Ҷумҳурии Тоҷикистон ва дастуру супоришҳои Пешвои миллат, муҳтарам Эмомалӣ Раҳмон дар шаҳри Гулистон бинои Кумитаи иҷроияи Ҳизби Халқии Демократии Тоҷикистон ва маркази таълимию дӯзандагӣ бунёд мегардад.

Қабл аз гузоштани санги асоси ин ду иншооти муҳим зимни суханронии худ Раиси вилояти Суғд Раҷаббой Аҳмадзода таъкид кард, ки бахшида ба 30-солагии Истиқлолияти давлатӣ танҳо дар вилояти Суғд бунёди беш аз 10 ҳазор иншоот ба нақша гирифта шудааст. Аз маҷмӯи иншооти бунёдшаванда корхонаҳои истеҳсолӣ, марказҳои савдову хизматрасонӣ, роҳу пулҳо, иншооти гидроэнергетикӣ, мактабу кӯдакистонҳо, беморхонаву марказҳои саломатӣ мебошанд.

Шиносоии Раиси вилоят бо фаъолити ҶСК “Қолинҳои Қайроққум”

Санаи 17-уми феврал дар доираи боздиди кории худ ба шаҳри Гулистон Раиси вилояти Суғд Раҷаббой Аҳмадзода нахуст бо фаъолити ҶСК “Қолинҳои Қайроққум” шинос гардид.

Бояд зикр намуд, ки маҳсулоти корхонаи «Қолинҳои Қайроққум» давоми 60 сол мешавад, ки бо сифат, зебоӣ, услуб, рангубор ва нақшу нигоре, ки инъикосгари анъанаҳои халқҳои Шарқ мебошад, дар бозори дохилӣ ва ҷаҳонӣ талабгорони зиёд дорад. Дар замони соҳибистиқлолии мамлакат маҳз бо дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо технологияи пешрафтаи ҷаҳони муҷаҳҳаз гардонида шуд ва иқтидори истеҳсоли низ зиёд шуд.

Тавре ба Раиси вилоят иттилоъ доданд, соли 2019 дар ҶСК “Қолинҳои Қайроққум” 2 миллиону 737 ҳазор метри мураббаъ маҳсулот истеҳсол карда шуд.  Айни замон бошад, беш аз 500 афар сокинони маҳаллӣ бо ҷойи кори доимӣ, маоши хуб ва шароити мусоид фаъолият таъмин мебошанд. Масалан барои кормандон дар ошхонаи зебову барҳаво як вақт хӯроки гарм дода мешавад.

ИЛОҶИ ВОҚЕА ПЕШ АЗ ВУҚӮЪ

Мутобиқи нақшаи чорабиниҳои асосии шаҳри Гулистон оид ба масъалаҳои мудофиаи гражданӣ, пешгирӣ, эътино ва рафъи оқибатҳои ҳолатҳои фавқулода барои соли 2020» ва дастуру супоришҳои сардори Раёсати Кумитаи ҳолатҳои фавқулода ва мудофиаи гражданӣ дар вилояти Суғд аз тарафи бахши Раёсати Кумитаи ҳолатҳои фавқулода ва мудофиаи граждании вилояти Суғд дар шаҳри Гулистон корҳои фаҳмондадиҳӣ ҷиҳати пешгирӣ ва огоҳонидани аҳолӣ аз офатҳои табиӣ дар ҷамоати шаҳракҳои Адрасмон ва Консой бо иштироки роҳбарони ташкилоту, муассисаҳо, раисони маҳаллаҳо ва фаъолони ҷамоати шаҳракҳои номбурда мулоқоти судманд ташкил ва гузаронида шуданд.

Дар ҷараёни вохӯриҳои ба самъи масъулин расонида шуд, ки барои пешгирӣ намудани офатҳои табиӣ омодагии аҳолӣ ба давраи зимистонгузаронӣ, захира намудани маводҳои хӯрокворӣ, доруворӣ, сӯзишворӣ, ҳезум, ангишт, корҳои пешгирӣ ҳангоми омадани сел, вазидани шамолҳои сахт, бехатарӣ аз сӯхтор, маҳдуд намудани сафарҳо дар давраи боришоти сахти борону барф ва яхобмонии заминҳо дастуру маслиҳатҳои муфид дода шуд.

Пешвои миллат Эмомалӣ Раҳмон дар ҳайати Ҳукумат ва чандин вазорату кумитаҳо таъиноти кадрӣ ба амал оварданд

14 феврал дар толори Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо қадрҳое, ки дар ҳайати Ҳукумати Ҷумҳурии Тоҷикистон, вазорату кумита ва сохторҳои Прокуратураи генералии Ҷумҳурии Тоҷикистон таъин гардиданд, мулоқот намуданд.

Бо Фармонҳои Президенти Ҷумҳурии Тоҷикистон Гулмаҳмадзода Давлатшоҳ Қурбоналӣ ва Исматуллозода Ширин Исматулло — муовинони Сарвазири Ҷумҳурии Тоҷикистон таъин гардиданд. Ба вазифаи муовинони Вазири кишоварзӣ, муовини раиси Кумитаи давлатии сармоягузорӣ ва идораи амволи давлатӣ, Раиси Кумитаи ҳифзи муҳити зисти назди Ҳукумати мамлакат кадрҳои ҷавон таъин гардиданд, ки дар баробари таҷрибаи корӣ ва малакаи роҳбарӣ бо зиёда аз ду забони хориҷӣ муоширати озод карда метавонанд.