Матни равон

Дар Кохи фарҳангии «Истиқлол» ба ифтихори 24-умин солгарди Рўзи таъ сисёбии Қувваҳои Мусаллаҳи Ҷумҳурии Тоҷикистон бо иштироки фаъолони шаҳр, намояндагони мақомоти иҷроия, ниҳодҳои қудратӣ, корхонаву ташкилот, Ҷамоати шаҳракҳо, собиқадорони ҷангу меҳнат, ҷанговарони байналмилал, муҳофизони сохти конститутсионӣ ҷамъомади ботантана доир гардид.

Ҷамъомадро Раиси шаҳри Гулистон Матлубахон Амонзода ҳусни оғоз бахшида, тазаккур дод, ки рўзи 23-юми феврал ба ташкилёбии Қувваҳои Мусаллаҳи Ҷумҳурии Тоҷикистон, ки дастоварди беназири даврони истиқлолияти давлатӣ маҳсуб меёбад, бисту чор сол пур мешавад. Ин рўйдод дар таърихи халқи тоҷик воқеаи муҳим ва пурарзиш ба шумор меравад.

Тибқи нақшаи мақомоти иҷроияи ҳокимияти давлатии шаҳр ва ба муносибати Рўзи Артиши Миллӣ беш аз 60 нафар ҷавонписарони синни даъвати ҳарбӣ ба қисми ҳарбии 45025 бо мақсади шиносоӣ бо ҳаёти афсарону сарбозон ташриф оварданд.

Дар майдони низомии қисми ҳарбӣ чорабинии мазкур баргузор гардид. Дар оғоз гузашти низомии афсарону аскарони қисм ботантана ба вуқўъ пайваст. Муовини раиси шаҳри Гулистон Ғайратҷон Оқилзода низомиёнро бо Рўзи таъсисёбии Қувваҳои Мусаллаҳи Ҷумҳурии Тоҷикистон аз номи мақомоти иҷроияи ҳокимияти давлатии шаҳр муборакбод намуд. Раиси Шўрои собиқадорони ҷангу меҳнати шаҳр Муҳаммадҷон Файзуллоев, сардори қисми ҳарбӣ полковник Фазлиддин Назарзода афсарону аскаронро бо ҷашни Рўзи Артиши Миллӣ табрик намуданд.

КОНСОЙ. Бахшида ба 24-умин солгарди таъсисёбии Қувваҳои Мусаллаҳи Ҷумҳурии Тоҷикистон дар МТМУ №3 Ҷамоати шаҳрак мусобиқаи варзишӣ таҳти унвони “Ватанпарвар” баргузор гардид.

Чорабинии мазкур бо мақсади бедор намудани ҳисси ватандўстиву меҳанпарварии наврасон ва дар рўҳияи ҳифзи ин хоку бум тарбия намудани хонандагон аз рўйи ҳашт шарт гузаронида шуд. Дар чорабинӣ асосан хонандагони синфҳои болоӣ ширкат намуда, саҳнаҳо аз ҳаёти сарбозонро намоиш дода, дар васфи Тоҷикистон ва муҳаббату садоқат ба Ватан шеърҳо қироат намуданд. Дар ҷамъбаст ғолибони мусобиқа бо туҳфа ва ифтихорномаҳо сарфароз гардонида шуданд.

НАВГАРЗАН. Дар толори МТМУ-и Ҷамоати шаҳрак ба муносибати 24-солагии Рўзи таъсисёбии Қувваҳои Мусаллаҳи Ҷумҳурии Тоҷикистон чорабинии идона барпо карда шуд. Дар чорабинӣ дар баробари хонандагони мактаб, ки саҳнаҳо аз рўзгори сарбозонро барои ҳозирин намоиш дода, ашъори ватанпарварона қироат намуданд, сарбозони дидбонгоҳи сарҳадии №5 низ ширкат варзида, машқҳои ҳарбӣ нишон доданд.

Ҳамчунин дар ин рўз ҷавонони синни даъватӣ ва модарон ба қисми ҳарбии воқеъ дар ин минтақа буда рафта, ба зисту зиндагонии сарбозон ошноӣ пайдо карданд. Хонандагони мактаб ба муҳит ва шароити сарбозон аз наздик шинос гардиданд, ки ин ҳама дар рўҳияи ватандўстиву садоқат ба сарзамини аҷдодии онҳо таъсири мусбати худро мегузорад. Дар ин қисми ҳарбӣ бо ташаббуси соҳибкор Фахруддин Аъзамов ва модарони навгарзанӣ дасторхони идона густурда шуда, аз ҷониби клуби ҷавонон барномаи рангини фарҳангӣ баргузор гардид.

Дафтари матбуоти
Раиси шаҳр

Гулистониёни азиз!

Рўзи 23-юми феврал ба ташкилёбии Қувваҳои Мусаллаҳи Тоҷикистон, ки дастоварди беназири даврони истиқлолияти давлатӣ маҳсуб меёбад, бисту чор сол пур мешавад. Ин рўйдод дар таърихи халки тоҷик воқеаи муҳим ва пурарзиш ба шумор меравад.

Қувваҳои Мусаллаҳи мо дар як давраи ҳассос арзи вуҷуд намуда, дар муддати на чандон тўлонӣ аз санҷишҳои ҷиддӣ гузашта, такомул ва обутоб ёфт. Ҳоло Артиши Миллӣ ҳамчун нерўи тавоно, муҷаҳҳаз ва муташаккил амнияти далват ва осоиши кишварро таъмин менамояд.

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд

МУРОҶИАТ БА РАИС!

+992300000018

+992300000018

Эълонҳо

  • 1
  • 2
  • 3
  • 4
  • 5

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

25 Апр 2022

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон ба мансабҳои холии маъмурии хизмати давлатӣ озмун эълон менамояд ...

04 Ноя 2021

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:2712
mod_vvisit_counterРӯзи гузашта:3152
mod_vvisit_counterҲамин ҳафта:13453
mod_vvisit_counterҲафтаи гузашта:23231
mod_vvisit_counterҲамин моҳ:108267
mod_vvisit_counterМоҳи гузашта:112199
mod_vvisit_counterҲамагӣ:5409146

Райъпурсӣ

Сомона чи хел аст?