“Ороста чаман”

Бо ибтикори Раиси шаҳри Гулистон Матлубахон Амонзода ба ифтихори истиқболи арзандаи ҷашни 25-умин солгарди Истиқлолияти давлатии Ҷумҳурии Тоҷикистон соли равон ҳафтумин китоб аз чоп баромад.

Дар маҷмўаи “Ороста чаман” 32 шеърҳои марғуби бачагонаи адиби ғунчамарги фозил Муҳаммадраҳими Илҳом фароҳам гардидааст. Илҳом Мадализода ва Абдуманнони Хаммор муҳаррирони китоби мазкур мебошанд.

Арҷгузорӣ ба анъанаҳои миллӣ

Тибқи нақша – чорабинии Мақомоти иҷроияи ҳокимияти давлатии шаҳри Гулистон аз ҷониби  бахши кор бо занон ва оила ва шуъбаи Агентии давлатии меҳнат ва шуғли аҳолӣ ба ифтихори сазовор истиқбол гирифтани ҷашни 25-солагии Истиқлолияти давлатии Ҷумҳурии Тоҷикистон озмун-мусобиқаи «Адрасбофи беҳтарин» дар Маркази таълимӣ истеҳсолии «Сирдарё»  гузаронида шуд.

Ҳадафи чорабинӣ рушди ҳунарҳои мардумӣ ва меҳнати хонагӣ, тарғиби фарҳанги либоси миллӣ, арҷгузорӣ ба анъанаҳои миллии бофандагӣ, вусъати фарҳанги либосдўзии аҷдодӣ ва дарёфти беҳтарин  ҳунармандони ҳунарҳои дастии адрасбофӣ буд.

Маърифати оиладорӣ

Ҷанбаҳои маърифати оиладорӣ ва роҳҳои тақвияти он имрӯз таваҷҷуҳи аҳли ҷомеаро ҷалб намудааст.

Дар ин ҷода қарори Ҳукумати Ҷумҳурии Тоҷикистон аз 30-юми декабри соли 2015, № 801 «Дар бораи Консепсияи рушди оила дар Ҷумҳурии Тоҷикистон» бо ҳадафи таҳкими мавқеи оила дар ҷомеа ҳамчун ниҳоди иҷтимоӣ, боло бурдани маърифати оиладорӣ, баланд бардоштани масъулияти падару модар дар таълиму тарбияи фарзанд ба тасвиб расидааст. Ҷиҳати татбиқи қарори мазкур ва қарори Раиси вилоят аз 2-юми феврали соли 2016 №118 қарори навбатии Раиси шаҳри Гулистон аз 29-уми июни соли 2016, №169 ба тасвиб расид.

Ба қарори номбурда нақша – чорабинӣ замима ва масъулини шуъбаю бахшҳои дахлдори МИҲД-и шаҳр, Ҷамоати шаҳракро баҳри амалисозии он муваззаф гардидаанд.

Гулистон: фаъолияти шашмоҳа қаноатбахш

Фаъолони шаҳр 21-уми июли соли ҷорӣ дар маҷлисгоҳи Мақомоти иҷроияи ҳокимияти давлатии шаҳр таҳти раёсати Раиси шаҳри Гулистон  Матлубахон Амонзода фаъолияти хоҷагии халқро дар идомаи шаш моҳи соли 2016, ки аз рўи ин масъала Абдуаҳад Каримов, роҳбари дастгоҳи раиси шаҳр гузориш дод мавриди баррасии амиқу ҳамаҷониба қарор доданд.

-Тайи  шаш моҳ  ба қисми даромади буҷети давлатӣ 42,8 млн. сомонӣ маблағҳои андозу пардохтҳо  ворид гашт, ки он баробар ба 102,3 фоизи нақшаи пешбинишуда мебошад. Дар натиҷа ба буҷет 964,5 ҳазор сомонӣ аз нақша зиёд маблағ ворид гардид.  Нақшаи даромади буҷети шаҳри 102,7 фоиз иҷро ва зиёда аз нақша 324,6 ҳазор сомонӣ маблағ ворид гардид. Аз ёздаҳ намуди андозҳо  ду намуди андоз: андози даромад аз шахсони воқеӣ, андоз тибқи низоми соддакардашуда таъмин карда нашуд, - зикр дошт баромадкунанда.