Шӯрои кор бо ҷавонон

Тавре маълум аст ҷавонону наврасон миёни аҳолии кишварамон нуфузи бузургро дороанду Давлату Ҳукумати ҷумҳурӣ барои беҳбудии рӯзгори онон пайваста ғамхорӣ зоҳир менамояд.

Қароре, ки таҳти №259, аз 7 октябри соли равон аз ҷониби Раиси шаҳри Қайроққум Матлубахон Амонзода ба тасвиб расида буд оид ба таъсиси Шӯрои кор бо ҷавонони назди Раиси шаҳр бахшида шудааст.

Таҷлили 21-солагии қабули Конститутсия

Имрӯз, 5 ноябр дар Кохи Истиқлоли шаҳр бахшида ба таҷлили 21- солагии қабули Конститутсияи (Сарқонуни) Ҷумҳурии Тоҷикистон ҷамъомади тантанавӣ баргузор шуд, ки дар он Раиси шаҳри Қайроққум Матлубахон Амонзода иштирок ва суханронӣ намуд.

Ҷамъомади тантанавӣ бахшида ба таҷлили солгарди 21-ум аз қабули Конститутсияи (Сарқонуни) Ҷумҳурии Тоҷикистон бо ворид шудани Раиси шаҳр ба толор ва садо додани Суруди миллии Тоҷикистон оғоз ёфт.

Идона ба ашхоси ниёзманд

15 нафар ашхоси ниёзманд ва собиқадори Ҷанги Бузурги Ватанӣ Воҳид Самадов дар арафаи ҷашни Конститутсия аз саховати Раиси шаҳри Қайроққум Матлубахон Амонзода комгор гардидаанд.

Бо ҳидояти Раиси шаҳр масъулини шуъбаи хизматрасонии иҷтимоӣ дар хона ба табақаҳои ниёзманд маводҳои ғизоиро дастрас ва ононро ба ифтихори Рӯзи Сарқонуни кишвар таҳният намуданд.

Муборакбодии Раиси шаҳри Қайроққум Матлубахон Амонзода ба ифтихори 21-умин солгарди Конститутсия

Ҳамшаҳриёни азиз!

Ҳамасола 6-уми ноябр дар мамлакат Рӯзи Конститутсияи (Сарқонун)-и Ҷумҳурии Тоҷикистон таҷлил карда мешавад. Зеро 6-уми ноябри соли 1994 тариқи раъйпурсии умумихалқӣ Конститутсияи (Сарқонун)-и Тоҷикистони соҳибистиқлол қабул гардид.

Конститутсияи Ҷумҳурии Тоҷикистон аз ҷумлаи дастовардҳои бузурги мардуми Тоҷикистон  буда, бунёди давлати соҳибистиқлол, демократӣ, ҳуқуқбунёд ва дунявии миллати кӯҳанбунёди тоҷикро заминагузорӣ кардааст. Ба ҳамагон маълум аст, ки бо шарофати қабули Қонуни асосӣ пояи Истиқлолияти давлатӣ мустаҳкам гардид ва заминаи ҳуқуқии рушди тамоми соҳа барои солҳои минбаъда фароҳам оварда шуд.