Табрикоти Раиси шаҳри Гулистон Сатториён Матлубахон Амонзода бахшида ба Рўзи ҷавонони Тоҷикистон

Ҷавонони арҷманди гулистонӣ!

Шумо неруи бузурги созандаву бунёдкор, сарчашмаи ташаббусҳои бузург, манбаи ғояҳои нав ва ояндаи миллату давлат ҳастед. Дар қаламрави кишвар ҳамасола рўзи 23-юми май ҳамчун Рўзи ҷавонони Тоҷикистон ботантана таҷлил мегардад. Бо самимият Шумо ҷавонони неруманд ва сарбаланди гулистониро бо ин ҷашни бошукўҳ муборакбод намуда, бароятон тансиҳативу хотирҷамъӣ, некрўзиву комрониҳо ва комёбиҳои нав ба нав орзумандам.

Дар партави сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон Ҳукумати Тоҷикистон дар давраи соҳибистиқлолӣ нисбат ба ҷавонон таваҷҷуҳ ва ғамхории махсус зоҳир намуда, барои ташаккули ҳамаҷонибаи онҳо ҳамаи шароити заруриро фароҳам овардааст. Дар Паёми Пешвои миллат бо таваҷҷуҳи хоса ба насли ҷавони кишвар соли 2017 "Соли ҷавонон" эълон гардид. Ин ташаббус ва иқдоми наҷиб, агар аз як тараф ба рукнҳои иҷтимоии демографӣ ва сиёсӣ-стратегӣ рабт дода шавад, аз тарафи дигар хусусияти таърихӣ дорад.

Маданияти шаҳрдориро баланд бояд бардошт

Дар толори мақомоти иҷроияи ҳокимияти давлатии шаҳр таҳти раёсати Раиси шаҳри Гулистон Матлубахон Амонзода машварати кории масъулини мақомоти иҷроияи ҳокимияти давлатии шаҳр, раисони ҷамоати шаҳракҳо, соҳибкорон, роҳбарони сохторҳои минтақаи истироҳатӣ, нуқтаҳои тиҷоратӣ ва хўроки умумӣ баргузор гардид. Дар машварат масоили корҳои ободонӣ, маданияти шаҳрдорӣ ва хуррамгардонии маркази шаҳр ва ҷамоати шаҳракҳо мавриди баррасӣ қарор дода шуд.

Раиси шаҳри Гулистон Матлубахон Амонзода оид ба масъалаи тақвияти корҳои созандагӣ ва букнёдкорӣ сухан ронда, таъкид намуд, ки шаҳри Гулистон яке аз марказҳои асосии туристии вилояту ҷумҳурӣ маҳсуб ёфта, махсусан дар давраи тобистон ташрифи теъдоди зиёди меҳмонони дохилӣ ва хориҷӣ бо мақсади истироҳат, табобат ва фароғат меафзояд. Вобаста ба ин, бояд тамоми сохтору мақомоти дахлдори марбут ба хизматрасонӣ фаъолияти худро дар ин давра бештару беҳтар роҳандозӣ намуда, корҳои тарғиботӣ-ташвиқотӣ доир ба баланд бардоштани маданияти шаҳрдории шаҳрвандон тақвият пазирад.

Ҷаласаи комиссияи фавқулодаи зиддиэпидемиологӣ

Дар толори мақомоти иҷроияи ҳокимияти давлатии шаҳр таҳти раёсати Раиси шаҳри Гулистон Матлубахон Амонзода ҷаласаи комиссияи фавқулодаи зиддиэпидемологӣ бо иштироки аъзои Комиссия ва роҳбарони нуқтаву марказҳои савдо, бозорҳо, намояндагони муассисаҳои хизматрасониву маишӣ, масъулини ҷамоатҳо, зерсохторҳои мақомоти иҷроияи ҳокимияти давлатии шаҳр доир гардид.

Дар ҷаласа масъалаи натиҷабардорӣ оид ба омадагии нуқтаҳои савдову хизматрасонӣ, хўрокворӣ, бозорҳо, минтақаи истироҳатӣ ва мавзеъҳои оббозӣ дар соҳили обанбори “Баҳри тоҷик”, осоишгоҳҳои “Баҳористон”, “Шифо”, “Соҳил”, ”Усмонҷон”, урдугоҳҳои истироҳатии кўдакони “Шоҳин”, “Чароғак” ва наздимактабӣ ба мавсими тобистони соли равон мавриди баррасӣ қарор гирифт. Роҷеъ ба масъалаи мазкур сардухтури маркази назорати давлатии санитарӣ-эпидемологии шаҳр Илҳом Самадов маърўза намуд.

Баррасии омодагӣ ба зимистон

Дар толори мақомоти иҷроияи ҳокимияти давлатии шаҳр таҳти раёсати Раиси шаҳри Гулистон Матлубахон Амонзода ҷаласаи нахустини ситоди шаҳрӣ дар бораи саривақт омода намудани соҳаҳои иқтисодиёт ва иҷтимоиёти шаҳр барои фаъолияти мунтазам ва самарабахш дар давраи тирамоҳу зимистони солҳои 2017-2018 бо иштироки аъзои ситод ва роҳбарони корхорнаву муасисаҳо ва идораву ташкилотҳо ба вуқўъ пайваст.

Раиси шаҳр роҷеъ ба нақшаи чорабиниҳои омодагии саривақтии соҳаҳои хоҷагии халқи шаҳр сухан ронда доир ба таъмини талаботи муассисаҳои соҳаи маориф, тандурустӣ, фарҳанг, муассисаҳои дигари буҷетӣ ва сокинони маркази шаҳру шаҳракҳо бо маводи сўзишворӣ, ташкили нуқтаҳои фурўши он, таъмини муассисаҳо бо таҷҳизоти истеҳсолкунандаи барқӣ ва монанди ин сухан ронда ба масъулин дар бораи назорати мунтазами ҳолати таҷҳизоту маводи оташнишонӣ, таъмини ҷамъоварии саривақтии маблағҳо барои истифодаи неруи барқ, пардохти хизматрасониҳои коммуналӣ, захираи воҷиби ҳаҷми зарурии сўзишвориҳо, насби ҳисобченкунакҳо барои истифодаи об ва амсоли ин дастуру супоришҳои мушаххас дод.