Қофиласолори адабиёти тоҷик

Дар толори бахшии фарҳанги шаҳр ба ифтихори Рӯзи Рӯдакӣ чорабинии фарҳангӣ баргузор гардид.

Мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Гулистон Илҳом Мадализода табрикоти Раиси шаҳри Гулистон Матлубахон Амонзодаро ба Рӯзи Рӯдакӣ ба самъи ҳозирин расонид. Сипас бо иштироки толибилмони муассисаҳои таълимии № 14, хонандагони фаъоли китобхонаи шаҳрӣ намоиши адабӣ-бадеии «Қофиласолори назми тоҷик» бо намоиши саҳначаҳо аз рӯзгори шоир, қироати порчаҳои назмӣ аз эҷодиёти гаронмояи Одамушшуаро ва суруду таронаҳо аз ашъори устод табъи ҳозиринро болида намуданд.

Дар толори бахши фарҳанг намоишгоҳи намунаи осори устод Рӯдакӣ, ки солҳои гуногун ба нашр расидаанд, ташкил карда шуда, дар муассисаҳои таълимӣ, китобхонаи шаҳрӣ ва коллеҷи тиббӣ чорабиниҳои хотирмон бахшида ба Рӯзи Рӯдакӣ баргузор гардиданд.

Тамири биноҳои баландошиёна

Дар шаҳраки кӯҳканони Зарнисор бо дастгирии бевоситаи мақомоти иҷроияи ҳокимияти давлатии шаҳри Гулистон биноҳои баландошёнаи истиқоматӣ бо тасмими муассисаи хоҷагии коммуналии шаҳрак (сардораш Асадулло Насриддинов) ба азнавсозӣ оғоз гардид.

Алҳол мутахассисон ба таъмири бинои истиқоматии панҷошёна оғоз намуданд. Бояд зикр кард, ки солҳои зиёд дар шаҳрак биноҳои баландошёна кӯҳна гардида, ба ҳолати ногувор омода буданд.

Иштироки Сарвари давлат Эмомалӣ Раҳмон дар ҷаласаи чоруми Панели сатҳи баланд оид ба масъалаҳои об

Дар шаҳри Ню-Йорк Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи чоруми Панели сатҳи баланд оид ба масъалаҳои об иштирок ва суханронӣ намуданд.

Дар кори ин ҷаласаи сатҳи баланд ҳамчунин Дабири кулли Созмони Милали Муттаҳид, Президенти Бонки ҷаҳонӣ ва дигар шахсиятҳои воломақоми давлатҳо ва ташкилоту созмонҳои минтақавию байналмилалӣ иштирок доштанд.

Мулоқоти Президенти мамлакат Эмомалӣ Раҳмон бо доираи соҳибкорони Штатҳои Муттаҳидаи Америка

Дар доираи иштирок дар чорабиниҳои сатҳи баланди Созмони Милали Муттаҳид дар шаҳри Ню-Йорк Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо истифода аз имкони мусоид бо доираи соҳибкории Штатҳои Муттаҳидаи Америка мулоқот намуданд.

Чорабинӣ бо сухани муқаддимавии раиси Шӯрои соҳибкорони Ҷумҳурии Тоҷикистон ва Штатҳои Муттаҳидаи Америка Филлип Де Леон оғоз гардид.