Башоратномаи суботи комил

Бо мақсади омӯзиши дақиқу саҳеҳ ва ташреҳу  шарҳи паҳлуҳои Паёми навбатии Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон санаи 1 феврали соли равон тибқи нақшаи МИҲД-и шаҳр вохӯрӣ бо сокинони маҳаллаи №1 – кӯчаҳои Истиқлол, Исмоили Сомонӣ ва Ҳоҷамбердиев баргузор гардид. Дар мулоқот намояндагони МИҲД-и шаҳр ва кумиҷроияи ҲХДТ дар шаҳри Қайроққум ширкат доштанд.

Мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода чорабиниро ифтитоҳ карда, дар бораи ҳадаф ва мақсади мулоқот, ҳамзамон роҷеъ ба таъкидоти Асосгузори сулҳу Ваҳдати  миллӣ - Пешвои миллат, ки дар Паём ироа гардидааст, аз ҷумла «Ҷомеаи мо ҷузъи ҷудонашавандаи ҷомеаи ҷаҳонист ва таъсири ҷараёни ифротии навзуҳур тавассути шабакаи интернет ва дигар воситаҳои иттилоотӣ ба шуури баъзе аз ҷавонони ноогоҳи мо низ эҳсос мегардад. Як қисми ҷавонон дар пайравӣ аз ҳамин андешаҳои ифротӣ, ҳатто арзишҳои миллиро аз нигоҳи маҳдуди худ ширку бидъан эълон кардаанд» ҳарф зада, бо арқому далелҳои қотеъ доир ба симои манфури бадхоҳони миллати тоҷик ва зуҳуроти номатлуби ҷомеа суханронӣ кард.

“Соли 2016-Соли фарди солим”

Бо ибтикори Раиси шаҳри Қайроққум Матлубахон Амонзода ҳар ҳафта –рӯзҳои сешанбе ва чоршанбе дар толори варзишии Истиқлол чорабиниҳои варзишӣ бо иштироки бонувон баргузор мегардад.

Ҳамаи хоҳишмандон метавонанд барои солимии ҷисму рӯҳ ташриф оранд. Оғоз: соати 15:00.

Бахши кор бо бонувон ва
оилаи дастгоҳи Раиси шаҳр

Таъсиси Шӯрои собиқадорони ҲХДТ

2-юми феврал ҷаласаи КИ шаҳрии ҲХДТ доир гардид. Дар оғоз раиси Кумитаи иҷроияи шаҳрии ҲХДТ Каромат Қосимова оид ба ҳадафи ташкили Шӯрои собиқадорон ҳарф зад.

Интихоби раис ва муовин, тасдиқи нақшаи фаъолият ва омӯзиши муҳтавои Паёми Пешвои миллат ба Маҷлиси Олӣ аз рӯзномаҳои ҷаласа буданд, ки мавриди ҳаллу фасл қарор гирифт. Марбут ба масъалаи аввал бо овоздиҳии кушод Норӣ Қаҳҳорова раиси Шӯро ва Рустамҷон Одизода муовини раиси Шӯро интихоб гардиданд.

Ҷалби ҷавонон ба солимӣ

Марбут ба Рӯзи варзиш ва солимгардонии аҳолӣ ва таътили зимистонаи мактабиён МД “Мактаби варзишии бачагон ва наврасони шаҳри Қайроққум” бо ҳидояти Раиси шаҳр Матлубахон Амонзода як қатор чорабиниҳои варзишӣ доир намуд.

Дар кӯчаи ба номи Мирзо Турсунзода байни наврасону ҷавонон мусобиқа оид ба футболи хурд гузаронида шуд.

Чунин мусобиқа бо иштироки 4 даста дар варзишгоҳи марказӣ низ баргузор гардид.