Табрики Раиси шаҳри Қайроққум Матлубахон Амонзода ба муносибати Рӯзи геологҳо

Мо бояд сиёсати иқтисодии худро тарзе ба роҳ монем, ки тавассути истифодаи самараноки захираву имкониятҳои мавҷуда ва дигар дороиҳо рақобатнокии иқтисоди миллӣ баланд бардошта шавад.

Эмомалӣ Раҳмон

Бо фаро расидани Рӯзи геологҳо кормандону мутахассисони соҳаро, ки тамоми қувва, дониш ва таҷрибаву малакаи худро баҳри ҳарчи бештар дарёфт кардани захираҳои нави сарватҳои зеризаминӣ ва мавриди баҳрабардорӣ қарор додани онҳо сарф намуда, дар рушд ва тараққиёти саноати кӯҳӣ саҳми арзанда мегузоранд, бо иди касбиашон табрик мегӯям. Ба ҳамаи онҳо тани сиҳату хотири ҷамъ, хонаободӣ ва дар иҷрои нақшаҳо муваффақиятҳои беназир  орзу менамоям.

Сарзамини мо аз қадим бо сарватҳои табиии худ шӯҳрату ифтихор дошт ва мардум ҳамеша онҳоро барои таъмини пешрафти диёр ва беҳдошти зиндагӣ истифода мебурданд.

46 нафар ғолибони даври дуюм

5-6 декабр  дар МТМУ-и №1 даври дуюми Олимпиадаи фаннии хонандагон доир гардид. Ҳадаф аз ташкил ва гузаронидани чорабинии мазкур ин дарёфти истеъдодҳои нав, рушди эҷодкориву лаёқат, муайянкунии хонандагони фаъол барои иштирок дар Олимпиадаи вилоятӣ, мусоидати фаҳмишу ҷаҳонбинии хонандагони муассисаҳои таълимӣ мебошад.

Дар Олимпиада 520 нафар хонандагони фаъолу эҷодкор ва болаёқату соҳибистеъдод ширкат варзида аз 13 фанҳои таълимӣ малакаи дониши хешро нишон доданд. Тибқи маълумот аз рӯи теъдоди зиёди ишғоли мақоми аввал хонандагони МТМУ-и №1 24 нафар пирӯзӣ ба даст оварданд. Намояндагони муассисаҳои таълимии рақамҳои 14, 8 бо 14 ва 8 нафарӣ ҷойҳои минбаъдаро ишғол намуданд.

Маориф соҳаи афзалиятнок

1 декабри соли 2015 вохӯрии раиси Кумитаи иҷроияи шаҳрии ҲХДТ Каромат Қосимова  бо кормандони соҳаи маориф баргузор гардид. Дар ҷараёни чорабинӣ Каромат Қосимова баромад намуда, оид ба мақсаду мароми ҳизб, дастовардҳои Тоҷикистон дар солҳои соҳибистиқлолӣ бо роҳбарии бевоситаи раиси ҲХДТ,

Президенти кишвар Эмомалӣ Раҳмон,  Барномаи пешазинтихоботии ҳизб,  баланд гардидани обрӯву нуфузи он ва зиёд шудани теъдоди  ҳизбиён дар соҳаи маориф сухан кард.

Дар интиҳои вохӯрӣ ба 6 нафар пешқадамони соҳа шаҳодатномаҳои ҳизбӣ дар вазъияти тантанавӣ супорида шуд.

Ғамхорӣ ба маъюбон

Аз соли 1983 то соли 1992 Созмони Милали Муттаҳид даҳсолаи маъюбонро эълон карда буд. Сипас дар соли 1992 Ассамблеяи Генералии СММ 3-юми декабрро Рӯзи байналхалқии маъюбон эълон намуд.

Таҷлили ин рӯзро ба хотири ҳифзи масъалаҳои иҷтимоии маъюбон, ҷалби атрофиён ба ҳуқуқҳои фарҳангӣ, сиёсӣ ва иҷтимоӣ эълон намуда буданд.

Дар ҷумҳурии мо низ сол ба сол ба одамони имконияташон маҳдуд диққати бештар дода мешавад. Президенти мамлакат ҳанӯз чандин сол пеш дар яке аз баромадҳояш гуфта буд, ки мо ҳеҷ гоҳ маъюбонро фаромӯш намесозем ва онҳоро намегузорем, ки хору зор шаванд.