«Ба хобам дароед, падарҷон»

Интишороти «Анис» ҷанде қабл маҷмӯаи тозаэҷоди сухангустари ӯзбекзабон Муҳаммадалӣ Гулбойро бо чунин унвон бо дастгирии Раиси вилояти Суғд Абдураҳмон Қодирӣ манзури ҳаводорони назм намуд. Маҷмӯаи мазкур чорумин китоби навбатии шоири ҷавон буда он армуғон ба хонандагони каломи бадеъ мебошад.

- Китоб  ҳаҷман калон нест аммо шеърҳояш самимиянд, - иброз дошт нависанда Маъруф Бобоҷон.

29-уми апрел адибон Маъруф Бобоҷон, ӯринбой Усмонов ва Ҳоҷӣ Абдурашид Бузруков ба деҳаи Гулшани Ҷамоати шаҳраки Адрасмон ташриф оварда Муҳаммадалӣ Гулбойро аёдат ва китоби нави ӯ бо номи «Ба хобам дароед, падарҷон»-ро дар вазъияти ботантана барояш тақдим намуданд.

Маркази матбуоти Раиси шаҳр иттилоъ медиҳад

100 нафар соҳиби замин шуд

Бо иқдоми Раиси шаҳри Қайроққум Матлубахон Амонзода 100 нафар шаҳрвандони эҳтиёҷманд дар арафаи Иди Ғалаба аз шаҳраки навбунёди Сайҳун соҳиби заминҳои наздиҳавлигӣ гардиданд.

Гирандагони идрорпулии Раиси шаҳр

25 нафар хонандагони фаъоли муассисаҳои таҳсилоти миёнаи умумии шаҳр барои гирифтани идрорпулии Раиси шаҳри Қайроққум сазовор дониста шуданд.

Ҳашари умумишаҳрӣ

Тозаву озода нигоҳдории муҳити зист вазифаи ҳар як шаҳрванд аст. Баҳри сазовор истиқбол гирифтани Иди Ғалаба шанбеи сипаригардида кулли шаҳрвандон ба ҳашари умумишаҳрӣ баромада ҳудуди манзили зист ва коргоҳро  аз партовҳо тоза намуданд.

Рӯзи якдилӣ

Рӯзи якдилии байналхалқии меҳнаткашони тамоми дунёро сокинони шаҳри Қайроққум дар Маркази Сомониён ботантана таҷлил намуданд. Барномаи рангини консертӣ хотири ҷамъомадагонро болида сохт.

Соҳибкорӣ ва рушжи иқтисодиёти шаҳр

Дар вазъи имрӯз мусаллам аст, ки танҳо фароҳам овардани шароити мусоид қабл аз ҳама ба соҳибкорони маҳаллӣ имкон медиҳад, то ба рушди устувор ва бемайлони иқтисодӣ муваффақ шаванд. Мисоли рӯшани инро мо метавонем дар шаҳри Қайроққум мушоҳида кунем.

Бо он захираву имкониятҳо дар ин самт шаҳри Қайроққум мебоист дар қаламрави вилояти Суғд яке аз муваффақтаринҳо маҳсуб  меёфт, вале  таҳлилҳо  аз  он бозгӯйӣ доранд, ки воқеият чунин нест. Ҳиссаи умумии соҳибкорони инфиродӣ дар ғанӣ гаштани буҷаи шаҳр дар ин ҷода ҳамагӣ аз 2,5 то 3 дарсадро ташкил медиҳаду бас.

Чӣ бояд карду чӣ тадбирҳо андешид, то дар ин самт пешравие ба чашм расаду аз номгӯйи зиёди хизматрасонии маишиву иҷтимоӣ бошандагони шаҳр қаноатмандӣ ҳосил карда, ҳамзамон даҳҳо ҷойҳои нави корӣ ва муҳимтар аз ҳама дар ғанишавии буҷаи шаҳр сарчашмаҳои боэътимод пайдо шаванд.

Мулоқоти Раиси шаҳр бо бартарафкунандагони садамаи Чернобил

Таърих шоҳиди барҷастаи рӯйдодҳо ва ҳодисаҳои гуногуни сиёсиву фарҳангии ҷомеаҳои башарист. Яке аз чунин фалокатҳо рух додани садама дар нерӯгоҳи атомии Чернобил 26 апрели соли 1986 мебошад.

Ба ин муносибат мулоқоти Раиси шаҳр Матлубахон Амонзода бо бартарафкунандагони садамаи Чернобил доир гардид. Ба хотири қурбониёни он садамаи фалокатбор дар оғози ҷамъомад лаҳзаи хомӯшӣ эълон карда шуд. Раиси шаҳр зимни баромади хеш таъкид дошт, ки солҳои ҳаштодуми асри гузашта дар шаҳраки Припят, воқеъ дар дурии 12 км аз шаҳри Чернобили Ҷумҳурии Шӯравии Сотсиалистии Украина аввалин Нерӯгоҳи барқи атомӣ сохта, ба истифода дода шуд. Нерӯгоҳ бо маводи атомӣ кор карда, миқдори зиёди қувваи барқ истеҳсол менамуд. Аммо ин дер давом накард.