ВАҲДАТ РУКНИ МУҲИМИ ДАВЛАТДОРИИ МОСТ!

Табрикоти Раиси шаҳри Гулистон Фирдавс Шарифзода ба ифтихори 23-солагии Рӯзи Ваҳдати миллӣ

Ҳамшаҳриёни арҷманд!

Ба ифтихори Рӯзи ваҳдати миллӣ, ки яке аз ҷашнҳои фараҳбахши Тоҷикистони соҳибистиқлол мебошад, тамоми мардуми шарифи шаҳрамонро ба муносибати бисту сеюмин солгарди Рӯзи Ваҳдати миллӣ табрик намуда, осмони софу беғубор ва саодати зиндагиро таманно менамоям.

27-уми июни соли 1997 дар Маскав Созишномаи умумии истиқрори сулҳ ва ризоияти миллӣ имзо гардид. Бо имзо намудани ин ҳуҷҷат дар назди аҳли башар бори дигар таҳаммулпазирӣ ва иродаи сулҳҷӯёнаву бунёдкоронаи халқи тоҷик собит гардид.

Иштироки Пешвои миллат Эмомалӣ Раҳмон дар чорабиниҳои тантанавӣ бахшида ба ҷашни 75-солагии Ғалаба дар шаҳри Москваи Федератсия Россия

Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои иштирок дар чорабиниҳои тантанавӣ бахшида ба ҷашни 75-солагии Ғалаба бо сафари корӣ ба шаҳри Москваи Федератсияи Россия ташриф оварданд.

Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар Қасри Кремл Президенти Федератсияи Россия муҳтарам Владимир Путин истиқбол гирифт. Сипас аксгирии якҷояи сарони давлатҳо ва ҳукуматҳои як қатор кишвари ҷаҳон ва роҳбарону намояндагони ташкилоту созмонҳои минтақавию байналмилалӣ, ки барои иштирок дар чорабиниҳои тантанавӣ ба муносибати ҷашни Ғалаба ба шаҳри Москва ташриф оварданд, баргузор гардид.

Дар маркази асосии баргузории чорабиниҳои тантанавӣ – Майдони Сурх паради ҳарбӣ баргузор гардид, ки дар он 15 ҳазор низомӣ иштирок намуданд.

САРҶАМЪӢ ВА МУТТАҲИДӢ - ОМИЛИ РУШДИ КИШВАР

Бо талошу заҳматҳои шабонарӯзии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Истиқлолияти Ҷумҳурии Тоҷикистон пойдор гардид. Ба ҳамагон маълум аст, ки Ҷумҳурии Тоҷикистон пас аз барҳам хӯрдани Иттиҳоди Шӯравӣ як давраи гузариши печидаеро аз сар гузаронид, ки дар саҳифаҳои таърих ҷовидон хоҳад монд. Душманони Ватану миллати тоҷик, махсусан ҳизби терррористӣ-экстремистии наҳзати исломӣ бо ниятҳои разилонаву амалҳои нопок теъдоди зиёди ҷавононро бероҳа намуда, нисфи зиёди мардумро куштанд, бештари кӯдаконро аз волидайни онон ҷудову саргардон ва бепарастор намуданд, дили модарони озурдаву ҷигарсӯз ва чашмони пирону солхӯрдаро ба ашки хун олуда карданд.

Тавассути шабакаҳои телевизионии мамлакат филми мустанади «Хиёнат» намоиш дода шуд, ки дар он кирдорҳои нобахшидании аъзои фаъоли ташкилоти террористӣ-экстремистии Ҳизби наҳзати исломӣ (ТТЭ ҲНИ)  комилан фош карда шуд. Филми мазкур амалу кирдорҳои нангини хоинони миллат, бахусус роҳбарият ва аъзои ташкилоти террористию экстремистии Ҳизби наҳзати ислом (ТТЭ ҲНИ), ки тайи солҳои соҳибистиқлолӣ ба хотири дастрасӣ ба манфиатҳои шахсию гурӯҳӣ, бо дастгирии хоҷагони хориҷии хеш, бар зидди давлату миллати тоҷик анҷом додаанд, маълумот медиҳад. Чеҳраи воқеии хоинони миллати тоҷикро аз забони шоҳидони воқеии ҳодисаҳои террористию экстремистӣ ошкор месозанд. Дар он ҳамаи он ҷиноятҳое, ки аз ҷониби роҳбарият ва аъзои ин ташкилоти террористӣ роҳандозӣ шуда буд, нишонрас тасвир шудааст.

КАСОФАТПЕШАГОНИ ВАТАНБЕЗОР

Филми ҳуҷҷатии «Хиёнат», ки дар шабакаҳои марказии телевизионӣ ва шабакаҳои иҷтимоӣ пахш гардид, дар бораи кирдору рафторҳои хоинони миллат, махсусан роҳбарият ва аъзои ташкилоти террористию экстремистии дар Тоҷикистон мамнӯи Ҳизби наҳзати исломӣ  (ТТЭ ҲНИ) маълумоти хеле возеҳ ва равшан медиҳад. Бояд гуфт, ки дар солҳои соҳибистиқлолӣ ба манфиатҳои шахсию гурӯҳӣ, бо дастгирии хоҷагони хориҷии хеш, бар зидди давлату миллати тоҷик наҳзатиён амалҳои манфури хешро пиёда кардаанд ва алҳол аз хориҷи кишвар истода бо фармоиши хоҷагонашон ба зиндагии осоиштаи мо бо ҳар гуна дасисаю ҳангома ва бозиҳои сиёсии фармоишиашон халал ворид карданӣ ҳастанд.

Таърих гувоҳ аст, ки ҳамаи нобасомонӣ ва фоҷиаҳоро барои мардуми тоҷик дар солҳои навадуми садаи гузашта Ҳизби наҳзати исломӣ оварда буд. Ҳизбе, ки на танҳо аксарияти мардуми кишвар, балки дар дунё ягон давлати абарқудрат барои ба сари қудрат омаданаш имконият намедод, мехост зимоми давлатдориро ба даст гирифта, ҷумҳуриро исломӣ эълон намояд. Барои амалӣ шудани ҳадафҳои нопоки худ ин ҳизб тавонист як зумра зиёиёнеро, ки худро демократ мегуфтанд, бо худ ҳамроҳ сохтанд. Ин демократҳо намедонистанд, ки агар худое накарда ҳизби наҳзат ба сари қудрат ояд, пеш аз ҳама худи онҳоро аз миён мебардорад. Ин таҷриба дар аксари кишварҳои исломӣ амалӣ шудаанд. Яъне, як тӯдаи ҷоҳили бо ришу сала, бо чашмони хунгирифта мусаллаҳ гардида, ба сари ҳаммиллатони худ, ки аз ҳукумати конститутсионӣ ва дунявияти давлат ҳарф мезаданд, тирборон рехтанд.