Боздиди Раиси вилоят аз Ҷамоати шаҳраки Зарнисори шаҳри Гулистон

17 июни соли 2020 Раиси вилояти Суғд Раҷаббой Аҳмадзода аз Ҷамоати шаҳраки Зарнисори шаҳри Гулистон боздид намуда, бо кормандони соҳаи тандурустии шаҳрак мулоқот кард.

Ёдовар мешавем, ки шаҳраки Зарнисор аз шаҳри Хуҷанд  беш аз 100  километр дур, дар  доманаи   қаторкӯҳҳои Қурама воқеъ аст  ва  аз замонҳои қадим бо маъданҳояш машҳур мебошад. Имрӯзҳо дар шаҳрак 2800 нафар умр ба сар мебаранд ва дар он 3 мактаб, 1 кӯдакистон ва 1 беморхона мавҷуд аст. Бо дастгириҳои Ҳукумати Ҷумҳурии Тоҷикистон ба муассисаҳои иҷтимоии шаҳрак мунтазам лавозимоти зарурӣ дастрас гардида, сокинон бо шукргузорӣ аз фазои оруми осудаи Ватани соҳибистиқлол кору зиндагӣ доранд.

АХБОР ОИД БА ИҶЛОСИЯИ ДУЮМИ МАҶЛИСИ ВАКИЛОНИ ХАЛҚИ ШАҲРИ ГУЛИСТОН (даъвати дуюм)

Бо садо додани Суруди миллии Ҷумҳурии Тоҷикистон дар толори калони Мақомоти иҷроияи ҳокимияти давлатии шаҳри Гулистон иҷлосияи дуюми Маҷлиси вакилони халқи шаҳри Гулистон, даъвати шашум оғоз гардид.

Раиси иҷлосия, Раиси шаҳри Гулистон Фирдавс Шарифзода баъди гузаронидани муқаррароти пешбинишуда, иттилоъ дод, ки дар кори иҷлосияи дуюми Маҷлиси вакилони халқи шаҳри Гулистон, даъвати шашум баробари вакилон роҳбарони воҳидҳои сохтории мақомоти иҷроияи ҳокимияти давлатии шаҳр, мақомоти ҳифзи ҳуқуқ, ташкилоту муассисаҳои шаҳрӣ, намояндагони воситаҳои ахбори умум даъват шудаанд. Дар иҷлосияи нахустини Маҷлиси шаҳрӣ намояндаи мақомоти иҷроияи ҳокимияти давлатии вилоят, директори маркази стандартизатсия, метрология, сертификатсия ва нозироти савдои вилояти Суғд Маҳмадӣ Давлатов ширкат дорад.

Пас аз интихоботи котиботи иҷлосия, вакилон рӯзномаи иҷлосияро бо тағйиру иловаҳо тасдиқ намуданд.

Президенти Ҷумҳурии Тоҷикистон Эмомалӣ Раҳмон бо Раиси Ҷумҳурии Мардумии Чин Си Ҷинпин суҳбати телефонӣ анҷом доданд

Дирӯз Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Ҷумҳурии Мардумии Чин муҳтарам Си Ҷинпин суҳбати телефонӣ анҷом доданд.

Дар оғози суҳбати дӯстона Президенти Ҷумҳурии Тоҷикистон саҳми назарраси муҳтарам Си Ҷинпинро дар пешбурди бомуваффақияти муносибатҳои дӯстӣ, ҳусни ҳамҷаворӣ ва ҳамкориҳои самараноки Тоҷкистону Чин ба таври хосса таъкид карданд.

Дар ин қарина ҷонибҳо баъзе ҷанбаҳои мубрами муносибатҳои шарикии ҳамаҷонибаи стратегии Тоҷикистону Чин, ҳамчунин роҳҳои алоҳидаи рушду густариши онҳоро дар шароити имрӯзаи  байналмилалӣ мавриди муҳокима қарор доданд. Аз ҷумла, аҳаммияти идомаи талошҳои муштарак ҷиҳати таҳкими ҳамдастии ҷонибҳо, пешбурди фаъолонаи масъалаҳои калидии ҳамкории дуҷониба ва татбиқи мувофиқаҳои қаблан бадастомада, инчунин, пайдо намудани шаклҳои нави ҳамкориҳои ду кишвар ва тавсеаи онҳо дар арсаҳои мухталиф, бо шумули соҳаҳои тиб, дорусозӣ, технологияҳои нав ва навоварӣ, таъкид гардид.

Пешвои миллат Эмомалӣ Раҳмон дар ҳайати роҳбарикунандаи як қатор вазорату идораҳои давлатӣ тағйироти кадрӣ ба амал оварданд

Дирӯз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳайати роҳбарикунандаи вазоратҳои корҳои дохилӣ, тандурустӣ ва ҳифзи иҷтимоии аҳолӣ, Кумитаи телевизион ва радио ва дигар сохтору мақомоти давлатӣ тағйироти кадрӣ ба амал бароварда, кадрҳои ба вазифаҳои масъули давлатӣ таъингардидаро барои сӯҳбат ба ҳузур пазируфтанд.

Бо Қарорҳои Ҳукумати Ҷумҳурии Тоҷикистон Раҳмонзода Саиднахш ба вазифаи муовини вазири корҳои дохилӣ, Муҳсинзода Ғафур ба вазифаи муовини якуми вазири тандурустӣ ва ҳифзи иҷтимоии аҳолӣ Ализода Самариддин ва Абдусаматзода Зулфия ба вазифаи муовинони вазири тандурустӣ ва ҳифзи иҷтимоии аҳолии Ҷумҳурии Тоҷикистон, таъин карда шуданд. Умарзода Саида аз вазифаи муовини якум, Одиназода Азиз ва Камолзода Мирҳамуддин аз вазифаи муовинони вазири тандурустӣ ва ҳифзи иҷтимоии аҳолии Ҷумҳурии Тоҷикистон озод гардиданд.

Бо Қарорҳои Ҳукумати Ҷумҳурии Тоҷикистон Шамсиддинзода Субҳиддин муовини якум ва Рустамзода Дилафрӯз муовини раиси Кумитаи телевизион ва радиои назди Ҳукумати Ҷумҳурии Тоҷикистон, таъин гардида, Бобошоҳзода Маҳмадшариф ва Бақозода Сайрам аз вазифаҳои муовини якум ва муовини раиси Кумитаи телевизион ва радио озод карда шуданд.