Раҳбари Раёсати умумии амнияти миллии Афғонистон ҳузури террористони наҳзатиро дар кишвараш тасдиқ кард

Аҳмадзиё Сироҷ, раҳбари Раёсати умумии амнияти миллии Афғонистон рӯзи панҷшанбеи 18-уми феврал зимни суханронӣ оид ба натиҷаҳои "Конфронcи минтақаии мубориза алайҳи терроризм" ҳузур доштани дастаҳои ҷангии ташкилоти террористии Ҳизби наҳзати исломиро дар ҶИА тасдиқ кард.

Аҳмад Зиё раҳбарияти наҳзатиро ба таҳлука овард

Ахиран, як изҳороти ҷониби Афғонистон раҳбарияти ТТЭ ҲНИ-ро сахт ба таҳлука овард.  Аҳмадзиё Сироҷ, раҳбари Раёсати умумии амнияти миллии Афғонистон рӯзи панҷшанбеи 18-уми феврал зимни суханронӣ оид ба натиҷаҳои "Конфронcи минтақаии мубориза алайҳи терроризм" ҳузур доштани дастаҳои ҷангии ташкилоти террористии Ҳизби наҳзати исломиро дар ҶИА тасдиқ кард. Тибқи изҳороти вай, аз 6 то 10 ҳазор ҷангҷӯи хориҷӣ дар ин кишвар мавҷуданд, ки дар миёни онҳо аъзоёни ТТЭ ҲНИ  низ ҳастанд.

Ин изҳороти Аҳмадзиё Сироҷ як зарбаи ногаҳоние бар сари наҳзтиҳо буд ва онҳоро сахт ошуфта кард.  Зеро саркардаи ТТЭ ҲНИ медонад, ки баъд аз террористӣ эътироф шудани наҳзат аз ҷониби Афғонистон минбаъд имкони мавҷуд будани дастаҳои ҷангиаш дар ин кишвар аз байн меравад. Кишварҳои минтақа, бахусус Тоҷикистону Афғонистон тавассути роҳандозӣ кардани амалҳои муштарак ва   ҳамоҳангшуда метавонанд дастаҳои наҳзатиро дар шимоли ин кишвар аз байн баранд. Дар ин ҳолат ТТЭ ҲНИ аз қаноти ҷангии худ – “Ансоруллоҳ” маҳрум мегардад.

Аммо саркардаи наҳзатӣ дар муқобили изҳороти Аҳмадзиё Сироҷ имрӯз оҷиз мондааст ва ғайри интишор додани як баёнияи дуруғину беномусона кори дигаре карда наметавонад.

Албатта дигар касе ба ҳар гуна баёния ва ҳарзагуиҳои раҳбарияти наҳзатӣ бовар намекунад ва эътибор ҳам намедиҳад. Зеро онҳо ҳамагӣ дуруғанд ва гуноҳро ба сари дигарон бор карданӣ мешаванд.

Аҳмадзиё Сироҷ бо изҳороти мазкурисбот кардааст, ки   ТТЭ ҲНИ то ҳануз дастаҳои ҷангию террористӣ дорад ва онҳо дар Афғонистон даст ба куштору террор мезананд. Мисоли равшани ҳолати мазкур фаъолияти “Ансоруллоҳ” аст, ки ҳамчун як қисми ТТЭ ҲНИ пештар ба минтақаи Моимайи Дарвози Афғонистон ҳамла карда, шумораи зиёди кормандони пулиси он ҷоро ба қатл расондаанд.

ТТЭ ҲНИ аз аввал то ҳануз аз усули зуроварию хушунат ва террору ҷанг кор мегирифту мегирад. Масалан, ба гуфти яке аз собиқадорони ТТЭ ҲНИ Аёмиддин Сатторов, ки дар филми мустанади “Хиёнат” оварда шудааст, раҳбарияти наҳзатӣ ба зердастонашон дастур медодаанд, ки “агар ба таври осоишта ҳукуматро гирифта натавонистем, бояд аз неруҳои ҷангии худ истифода кунем ва қудратро бо зуроварӣ ғасб намоем”.

Солҳои 1992-1993 наҳзатиҳо дар кишварамон ҷанги дохилиро оғоз карда, аз дасти онҳо шумораи зиёди сокинони Тоҷикистон кушта шудааст. Ҳануз дар ҳамон давра онҳо аз зуроварию қатлу террор ошкоро истифода мекарданд.

Вобаста ба ин, дар соли 1993 дар мусоҳибаи Раҳбари кишвар  садо дода буд, ки ТТЭ ҲНИ ягона ҳизбест, ки дастаҳои ҷангӣ дорад ва ҳатто дар шаҳодатномаҳои аъзоёнаш дарҷ шудааст, ки онҳо иҷозати гирифта гаштан ва истифода кардани силоҳро доранд. Аз ин бармеояд, ки ТТЭ ҲНИ на ҳизби сиёсӣ, балки як гуруҳи ҷангию террористӣ аст.

Субҳиддин Зиёев,

ходими пешбари илмии АМИТ

БОЗДИД АЗ ИНШООТИ НАВБУНЁД

Дар доираи нақша чорабинии мақомоти иҷроияи ҳокимияти давлатии шаҳри Гулистон Раиси шаҳри Гулистон Бахтиёр Саидаҳмадзода якҷоя бо ҳайати корӣ бо вазъи имрӯзаи корҳои ободонї ва хуррамгардонии маркази шаҳр шинос гардид.

Нахуст Раиси шаҳр аз Майдони Парчами давлатии Ҷумҳурии Тоҷикистон дидан намуда, доир ба ободонӣ, танзими дарахтон, гирду атрофи он, шинонидани гулҳо ва кабудизоркунии он ба масъулин супоришҳо дод.

Доир ба таҷдид ва азнавсозии даромадгоҳи ғарбии шаҳр Раиси шаҳр Бахтиёр Саидаҳмадзода оид ба ободонии  ду шафати шоҳроҳи Гулистон-Хуҷанд бо масъулин суҳбат карда,  аз рафти бунёди роҳи пиёдагарди шафати шоҳроҳ, ки дар масофаи 7 километр бунёд гардида истодааст, дидан намуд.

МУҲОФИЗ ВА СИПАРИ БОЭЪТИМОДИ ВАТАН

Дар Кохи фарҳангии “Истиқлол”-и шаҳри Гулистон ба муносибати 28-умин солгарди Рӯзи таъсиси Қувваҳои мусаллаҳи Ҷумҳурии Тоҷикистон ҷамъомади ботантана бо иштироки собиқадорон, ҷанговарони интернатсионалист, муҳофизони сохти конститутсионӣ, афсарону сарбозони қисмҳои ҳарбии дар ҳудуди шаҳр буда, намояндагони ҷамоати шаҳракҳо ва дигар фаъолони соҳаҳои хоҷагии халқи шаҳр доир гардид.

Раиси шаҳри Гулистон Бахтиёр Саидаҳмадзода гулистониёнро бо Рӯзи таъсиси Қувваҳои мусаллаҳ шодбош намуд. Зикр гардид, ки таҳти сарварии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ташкил ва ба вуҷуд овардани заминаи сиёсиву ҳуқуқии сохтори ҳарбии ҷумҳурӣ муваффақ шудем. Маҳз туфайли ѓамхории пайвастаи Пешвои муаззами миллат, Сарфармондеҳи Қувваҳои Мусаллаҳ имрӯз Артиши миллии мо ба қувва ва сипари боэътимоди муҳофизкунанда табдил ёфтааст. Дар муддати 28 соли гузашта, ба дӯши хизматчиёни ҳарбии ҳамаи сохторҳои низомии мамлакат иҷрои вазифаҳое гузошта шуда буданд, ки тақдири миллат ва давлат, дастовардҳои истиқлолият аз ҳалли онҳо вобаста буд.